Carl Sagan

Gikan sa Bikol Sentral na Wikipedia, an talingkas na ensiklopedya
Si Carl Sagan

Si Carl Edward Sagan (/ˈseɪɡən/; Nobyembre 9, 1934 – Desyembre 20, 1996) sarong Amerikanong astronomo, kosmologo, astropisiko, astrobiologo, autor, parapabantog kan syensia, asin parapahayag syensia sa lantad nin astronomiya, asin mga syensia natural. Siya mas bantog sa sibot niyang parapabantog kan syensia asin parapahayag. An mas lataw na ambag niya iyo an kontribusyon niya sa pagsukit kan buhay extraterrestial, asin kan demonstrasyon niyang eksperimental kan pagpaluwas nin mga amino acid sa mga kemikal paagi nin radiasyon. Si Sagan naghanda nin mga mensahe pisikal na pinasiring espasyo, siring kan inapod na Pioneer plaque asin kan Voyager Golden Record. An mga ini mga unibersal na mensahe na pigsasaboot masasabotan mansana kan arinman na extraterrestial na entidad na makanumpong kaini.

Si Sagan nagpublikar sobra sa 600 na mga papel sayantipiko asin mga artikulo, asin siya an autor, kapwa-autor o editor kan sobra sa 20 libro. Nagsurat siya nin dakul na mga popular na librong pang-syensia arog kan The Dragons of Eden, Broca's Brain asin Pale Blue Dot, saka siya an nagiistorya asin kapwa-kagsurat kan nagawadan na obra sa telebisyon, idtong 1980 serye na tituladong Cosmos: A Personal Voyage. An pinakadinalan na serye sa agi-agi kan telebisyon sa Amerika, an Cosmos nadalan kan mga 500 milyon katawo hale sa iba-ibang nasyon. An libro pigpublikar ngane kaantabay kan si serye sa telebisyon. Siya man nagsurat nin piksyon sayantipikong nobelang Contact. An huri nagin batayan kan si 1997 na pelikula na pareho an titulo. An mga papel niya na mukna, nag'aabot 595,000 na bagay nasasaray sa The Library of Congress.

Toltolan[baguhon | baguhon an source]