Cecilia Maronilla

Gikan sa Bikol Sentral na Wikipedia, an talingkas na ensiklopedya
Jump to navigation Jump to search

Si Sor Cecilia Calleja Maronilla (nmndg, Pebrero 1, 1900 Libon, Albay - ngdan, Nobyembre, 1991, Paranaque City), sarong madre, sarong dekano sa Departamento nin Musika sa Colegio de Sta. Isabel, asin propesor sa musika.

An mga magurang niya iyo sinda Mariano Maronilla asin Rafaela Calleja.

Sa edad na 18, siya naglaog sa Daughters of Charity asin siya an pinakaenot na madre na nag'entra sa Conservatory of Music sa Unibersidad kan Pilipinas sa irarom nin pagtokdo ni Prof. Dr. Antonio Molina. Nag'senior recital kan Pebrero 1932. Enot nanombrahan siyang pamayo kan Departamento nin Musika sa Sta. Isabel College sa Intramuros, Manila. Dangan ibinalyo siya igdi sa Colegio de Sta. Isabel sa siyudad kan Naga kun saen dakulon na estudyante may pagkamoot sa musika an nag'agi sa kamot niya. Masabi pa, siya an naggastos kan pagpatogdok kan Music building kan Colegio de Sta. Isabel. Nagadan siya sa edad na 91.


Ginunoan:

1. Libon Musical Talents- http://www.libon.gov.ph/libon/index.php?option=com_content&task=view&id=87&Itemid=92