Charles Wyatt (arkitekto)
Si Charles Wyatt (1758 – 13 March 1819) sarong Ingles na arkitekto asin Myembro nin Parlamento para sa Sudbury, Suffolk.
Buhay
[baguhon | baguhon an source]Siya aki ni William Wyatt (nagadan 1780, steward ki Lord Uxbridge sa Staffordshire), sobrino kan si mga arkitektong si James Wyatt asin Samuel Wyatt, asin pinsan ni Sir Jeffry Wyattville. Siya nagbali sa East India Company kan 1780 bilang kadete, nagsakay pasiring Indya sakay sa bapor na Mount Stewart kan 27 Hunyo parehong taon, alagad nasikop kan mga Pranses asin Espanyol na armada asin ibinalik sa Inglaterra. An ikaduwa niyang pagngata' makaabot Indya nakadagos, na nag'abot siya duman kan 1782. Siya nagbali sa Bengal Engineers, na sunod na ngani siya nataas sa kapitan kan 1800 asin dangan commisssioner nin pulis.
An oportunidad niyang makadesenyo nin mga edipisyo nagkatotoo kan 1798 kan si The Marquess of Wellesley nag'abot sa Calcutta komo Gobernador-Heneral asin pinili si Wyatt magdesenyo kan gigibohon na Government House, Calcutta,[1] na nagbukas kan 1803. An desenyo ibinase sa Kedleston Hall.[2] Si Wyatt pigdesenyo man an mga paghira sa residensya ni Wellesley sa Barrackpore. Kan Hunyo 1803 siya ginibo nang Superintendente nin Obras Publikas.
Nagyaman sa Indya, si Wyatt nagretiro kan Oktobre 1806, ssin binakal an country villa'ng Ealing Grove sa luwas kan London, bakong harayo sa villa ni Sir John Soane sa Pitzhanger Manor. Siya naelehir bilang Tory MP representado an Sudbury, Suffolk[3] sa duwang sunod-=sunod na parlamento, nagserbi poon 1812 abot 1818.
Siya nagadan kan 1819 sa Foley House, an saiyang residensya sa London sa Portland Place. Saiyang inagom si Charlotte (née Greentree) Drake, balo kan si dipuntong George Drake kan Bombay Marines, kan 1787.
Galeriya nin saiyang mga trabaho arkitektural
[baguhon | baguhon an source]
Toltolan
[baguhon | baguhon an source]- ↑ page 23, Stones of Empire: The Buildings of the Raj, Jan Morris, 1983 Oxford University Press
- ↑ page 281, The History of Architecture in India From the Dawn of Civilization to the End of the Raj, Christopher Tadgell, 1990 Architecture Design and Technology Press, London
- ↑ page 939, A Biographical Dictionary of British Architects 1600-1840, Howard Colvin, 2nd edition 1978, John Murray
- The Wyatts An Architectural Dynasty by John Martin Robinson 1979, Oxford University Press
- History of Parliament WYATT, Charles (c.1759-1819) of Foley House, Portland Place, London
