Chen Chan-siang

Gikan sa Bikol Sentral na Wikipedia, an talingkas na ensiklopedya
Chen Chan-siang
Kamundagan(1916-06-13)13 Hunyo 1916
Kagadanan12 Marso 2001(2001-03-12) (edad 84)
Iba pang mga ngaranCharles Chen, Chi Ziang Chen, Chen Zhanxiang
Alma materUniversity of Liverpool
TrabahoArkitekto
Midbid bilangLiang-Chen Proposal
Pangaran na Intsik
Intsik陳占祥

Si Chen Chan-siang (Chinese: 陳占祥, Pinyin: Chén Zhānxiáng), (13 Hunyo 1916 - 12 Marso 2001) sarong urban planner asin arkitekto. Si Chen myembro kan inapod na Five United, sarong kompanya na kagpoon kan modernistang arkitektura sa Tsina kan mga taon na 1940.[1] Ibang kaapil sa Five United iyo sa Huang Zuo-shen, Wang Da-hong asin Luke Him Sau. Siya midbid man sa pangaran na Charles Chen, Chi Ziang Chen, Chen Zhangxiang.

Biograpiya[baguhon | baguhon an source]

Si Chen nag'adal sa Inglaterra kaamayi kan 1940, kun saen siya an pinakaenot na estudyanteng dayo na nagtukaw komo pamayo kan Students' Union sa Architecture School of University of Liverpool. Bilang estudyante, siya nagpublikar nin magkapirang papel dapit sa tradisyon asin gawe-gawe sa arkitekturang Tsino, sa irarom nin pagmamato ni Sir Nicholas Pevsner.[2]

Kan Oktobre 1949, nagpasiring siyang Beijing ta matrabaho duman. Sa Beijing siya nagin kapwa-kagpublikar ni Liang Sicheng, kan naapod na Liang-Chen Proposal, na inaaplikar an mga konseptong Sulnopan asin mga paagi sa pagplano asin pagmodernisar kan Beijing.[3] An proposisyon kaiba an swestyon na ipaglangan asin pag'ingatan an mga antigong mga lugar sa siyudad.[4] Si Chen saro sa magkapirang arkitekto na pigpersigir kan gobyerno kaamayi kan mga aldaw nin Komunistang Tsina.[5]

Kan Enero 1988, siya naagdang magtaong lektura sa Estados Unidos. Siya nagtukdo sa University of California, Berkeley, Cornell University asin iba pa. Si Chen nagbalik sa Tsina kan 1989, asin nagadan duman sa Beijing kan 12 Marso 2001.

Si Chen parati nauunambitan bilang 'pinakalataw na arkitekto asin tagaplano nin siyudad sa modernong historya nin Tsina' sabi daa ni Professor Marwyn Samuels kan Syracuse University.[6]

Toltolan[baguhon | baguhon an source]

  1. ↑ Charlie Qiuli Xue (13 June 2016). Hong Kong Architecture 1945-2015: From Colonial to Global. Springer. pp. 85–. ISBN 978-981-10-1004-0. 
  2. ↑ Jun Wang (2011). Beijing Record: A Physical and Political History of Planning Modern Beijing. World Scientific. pp. 95–. ISBN 978-981-4295-72-7. 
  3. ↑ Wong, Sidney. "Special Paper: Background and Influences on Liang Sicheng’s Planning Thoughts". Journal of the Hong Kong Institute of Planners 27 (1): 61–75. Archived from the original on 2017-08-04. https://web.archive.org/web/20170804215704/http://www.hkip.org.hk/Journal/JHKIP_Vol_27_No1-2012_A06.pdf. Retrieved on 2017-05-29. 
  4. ↑ "1950年梁思成陈占祥提出北京古城保护方案_工程师 - 全球名人网" (in Chinese). Qqtxb.com, Global Celebrity Network. 2015-02-16. Archived from the original on 2017-08-04. Retrieved 2017-05-29.  Unknown parameter |url-status= ignored (help)
  5. ↑ Gin-Djih Su (1964). Chinese Architecture: Past and Contemporary. Sin Poh Amalgamated (H.K.). 
  6. ↑ Edward Denison (17 February 2017). Architecture and the Landscape of Modernity in China before 1949. Taylor & Francis. pp. 440–. ISBN 978-1-317-17928-3. 

Mga panluwas na takod[baguhon | baguhon an source]

  • Liang-Chen Proposal for protection of the ancient city of Beijing (in Chinese) [1]
  • Chen Zhanxiang's life (in Chinese) [2]
Kinua sa "https://bcl.wikipedia.org/w/index.php?title=Chen_Chan-siang&oldid=258899"