Chiang Kai-shek

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
Si Chiang Kai-shek

Si Chiang Kai-shek (Oktobre 31, 1887 – Abril 5, 1975) sarong lider militar asin pulitiko na nagsirbeng pamayo kan Republika nin Tsina sa pag'oltan kan taon 1928 asin 1975. Bisto man siya sa pangaran na Chiang Chung-cheng (蔣中正, Jiang Zhong Zheng) o Chiang Chieh-shih (蔣介石, Jiang Jie Shi) sa Tsinong Estandarte. Siya saro man na myembrong maimpluensya sa partido Koumintang (KMT), an Partido Nasyonalista kan Tsina asin ugos na kakampi ni Sun Yat-sen. Nagin siyang Komandante kan Whampoa Military Academy, sarong akademya kan Koumintang. Siya man an nagsangle sa pwesto ni Sun Yat-sen kan an huri nagadan kan 1925. Kan 1926, si Chiang namoon sa Ekspidisyon Norte sa tuyong pagbunyog kan nasyon Tsina asin huli kaini nagin siyang lider nominal kaini. Nagsirbe siyang Chairman sa National Military Council kan gobyerno Nasyonalista kan Republika nin Tsina poon 1928 abot 1948. Si Chiang iyo man an namayo sa pakigera sa Hapon sa inapod na Ikaduwang Gerang Sino-Hapon, na iyo an teatro kan mga Insik sa Ikaduwang Gerang Pankinaban asin huli kaini nahimo niyang masaray sa kamot niya an poder kapot kan mga warlord sa suruway-suway na mga rona. Bakong arog daa ki Sun Yat-sen, si Chiang conservativo, pigbubusol mga tradisyunal na kulturang Intsik, asin pigsikwal an demokrasyang solnopan asin an nasyonalistang sosyalismong demokratiko na si Sun pigpapaorog imbes an sarong awtokratikong gobyerno.[1][2]

Pakatapos kan Ikaduwang Gerang Pankinaban, an pwersang komunista asin an pwersa ni Chiang nagpulpogan. An pwersa ni Chiang nadaog kan mga Komunista na pinamayohan ni Mao Zedong kan taon 1949 asin napiritan an saiyang hokbo asin an mga kakampi niyang mga Nasyunalista na maghubo sa Taiwan asin duman itogdas an sadiring gobyerno.[3]


Mga panluwas na takod[liwaton | liwaton an gikanan]

  • [1] Chiang Kai Shek: China's Generalissimo and the Nation He Lost. 2005. 562ng pahina.
  • [2] Chiang Kai-shek and the Struggle for Modern China. Kinua 24-07-15.


Toltolan[liwaton | liwaton an gikanan]