Chiz Escudero

Gikan sa Bikol Sentral na Wikipedia, an talingkas na ensiklopedya
Jump to navigation Jump to search

Si Francis Joseph Guevara Escudero (namundag Oktobre 10, 1969), na bantog man sa apod na Chiz Escudero, sarong pulitiko, siyam nang taon na kaapil sa Senado kan Filipinas poon pa kan 2007. Dati, siya nagsirbe sa Harong nin Representante kan Filipinas na dara an Enot na Distrito kan Sorsogon asin kun saen siya an Minority Floor Leader. Ngonyan saro siya sa nangengenot na kandidato para bise presidente sa eleksyon presidensyal 2016 kan Filipinas.[1]

Mga enot na taon[liwaton | liwaton an gikanan]

Si Escudero namundag kan Oktobre 10, 1969 sa Manila, Filipinas, an ikaduwa sa tolong aki kan si dai'nang Salvador Escudero, dating Ministro sa Agrikultura, representante kan enot na distrito nin Sorosogon, asin kan si edukador na siEvelina B. Guevara.[2][3]

Si Escudero adal sa eskwela publika kan Filipinas. Nag'entra siya sa University of the Philippines Integrated School kan elementarya(1981) asin haiskul (1985). Nakua niya an kurso sa Political Science sa Unibersidad kan Pilipinas sa Diliman, Quezon City (1988) asin kurso sa abogasya sa University of the Philippines College of Law (1993).[4]

Sa Unibersidad kan Pilipinas, si Escudero nagbali sa Phi Beta Fraternity asin kaapil sa Alpha Phi Beta Debating Team, na iyo an nagin 1991 U.P. Open Debate Champion. Saiyang naromdoman, "Na yaon an partisipasyon ko sa kampus bilang myembro sa debate team kun saen kami an guminana kan mga '91. Nagin man ako presidente kan samong Law class nin apat na taon."[5] Pirming may onor na estudyante, si Escudero myembro kan Order of the Purple Feather o an U.P. Law Honor Society (1989-1993). Nagin man siyang Secretary General kan Association of Law Students of the Philippines sa saiyang senior na taon sa kursong abogasya (1992-1993).[6]

Karera[liwaton | liwaton an gikanan]

Bago siya nagin abogado, si Escudero teaching assistant sa Department of Political Science, Unibersidad kan Pilipinas (1988–1989). Kan 1989, nagin siyang Junior Political Analyst sa opisina kan Batangas Development Planning.[7]

Si Escudero nag'ayon sa bupete kan Bautista, Picazo, Buyco, Tan asin Fider Law Office kan magin na siyang abogadong husto taon 1993 bilang junior associate. Mga sarong taon pa, siya nagin legal consultant kan UNLAD Ship Management and Manning Corporation asin legal counsel kan Crusade Against Violence. Kan 1995, siya kabakas nang tunay sa sadiri nindang bupete na iyo an Escudero, Marasigan, Sta. Ana, Vallente asin villareal Law Office (EMSAVIL Law). Sagkod ngonyan, kaaayon pa siya sa bupeteng ini. Kan Hulyo 3, 2000, nanombrahan siyang Kumander sa Philippine Navy Reserve Command.

Nagsisirbe siyang lehislador, siya nadamay pa sa medya. Poon Mayo abot Agosto 2000, siya nag'ama kan programang "Ngayon na Pinoy", sarong programa sa TV sa RPN-9. Siya nagin man taga-atom pa kan programang "Magandang Umaga Bayan" sa Angel Radio DZAR 1026 AM; asin sa "Usapang de Campanilla" asin sa "Usapang Legal", pareho sa DZMM.

Igwa man siyang kolum , "Usapang Legal ni Chiz Escudero" (kan huri binago sa "Say Chiz") sa duwang tabloid: Abante asin Abante Tonite.

Toltolan[liwaton | liwaton an gikanan]

  1. https://web.archive.org/web/20060506071247/http://www.congress.gov.ph/download/cv/escuderocv.pdf kinuan 05-3-16
  2. "Curriculum Vitae: Hon. Francis G. Escudero". Republic of the Philippines House of Representatives. Archived from the original on 6 May 2006. https://web.archive.org/web/20060506071247/http://www.congress.gov.ph/download/cv/escuderocv.pdf. Retrieved on 6 April 2015. 
  3. Abuyuan, Gina. "More than This." HIPP Magazine. June 2009: p. 44.
  4. Lopez, Tony (editor). "Cover Story: Say Chiz." BizNews Asia. June 11–18, 2007: p. 20.
  5. Aguila, Kap Maceda. "The Substance of Chiz." People Asia. June 2006: p. 48.
  6. Lopez, Tony (editor). "Cover Story: Say Chiz." BizNews Asia. June 11–18, 2007: p. 21.
  7. {{cite web|url=http://www.mbc.com.ph/congresswatch/congressmembers/profile-escudero.htm%7Ctitle=Escudero, Francis Joseph G.|year=2004|publisher=Makati Business Club||archiveurl=https://web.archive.org/web/20040702122926/http://www.mbc.com.ph/congresswatch/congressmembers/profile-escudero.htm%7C}kinua 05-3-16