Choli
- Para sa sarong baryo kan Iran, hilingon an Cheli, Iran. Para sa baryo sa Siprus, hilingon an Choli, Siprus.
An sarong choli (Hindi: चोली, Urdu: چولی, Gujarati: ચોળી, Marathi: चोळी, Nepali: चोलो cholo) (midbid sa Habagatan na Indya sa ravike (Kannada: ರವಿಕೆ, Telugu: రవికె, Tamil: ரவிக்கை)), sarong blusa o sarong kaarog kan bodice nin pang-itaas na kasulutan na komon pinuputol na winawalat an huba na midriff, kaiba ining sinusulot kan sari sa subkontinente kan Indya. Parte man an choli kan kasulutan nin ghagra choli sa subkontinente kan Indya.
Sa Kaamihanan na Gujarat na karatig kan Rajasthan, partikular sa Palanpur (Banaskantha), Polku, an katagang Gujarati: પોલકું an piggagamit.
Ebolusyon
[baguhon | baguhon an source]
Hali an choli sa suanoy na stanapatta, na midbid man sa kurpsika o kanchuki, na saro sa mga porma kan tolong pidasong kasulutan na isinusulot kan kababayihan kadtong suanoy na panahon.[1] Binibilog ini kan antriya na sarong pang-ibabang kasulutan; an uttariya belo na isinusulot sa abaga o payo; asin an stanapatta, sarong chestband, na pigsambit sa literaturang Sanskrit asin aa literaturang Budista na Pali kadtong ika-6 na siglo BK.[2]
An mga pinta gikan sa Maharashtra asin Gujarat na hali sa inot na milenyo BKE, pigkokonsiderar na inot na naitala na mga halimbawa nin choli.[3] An mga parawit na gunuan gikan sa mga muknang arog kan Silapadikkaram na nagpapamati na kadtong panahon nin Sangam (ikatolong siglo BKE sagkod ikaapat na siglo CE sa suanoy na Habagatan Indya.), sarong pidaso nin gubing an nagsisirbing parehas na pang-ibabang bado asin pang-itaas na alampay.[4] Ipinapamati kan mga pinta asin eskultura na an stanapatta iyo an naging choli kadtong inot na siglo CE, sa manlainlain na istilo kan rehiyon.[5] An Rajatarangini, sarong ikasampulong siglong muknang pamliteratura ni Kalhana, nagsasabi na ipinabisto an choli gikan sa Deccan sa irarom kan orden kan hadi sa Kashmir.[6]
An mga anay na cholis nakatakop sa atubangan asin nakabugkos sa likod. An arog kaining tipo komon pa nanggad sa estado kan Rajasthan.[7] Sa Nepal, midbid man an kasulutan sa sarong cholo, asin sa Kahabagatan na Indya bilang sarong ravike. An parehas na mga istilong ini nakabugkos sa hampang, bakong arog kan Kaamihanan na Indyano na cholis., na nakabugkos sa likod. Sa mga parte kan Hindi Belt, kadaklan sa Rajasthan, Haryana asin Uttar Pradesh, ang mga babaye, nagsulot nin mala-vest na kasulotan, na midbid sa kanchli, sa ibabaw kan choli; an kumpletong kasulutan na midbid sa poshak.[8]
Historikal na mga Pinta
[baguhon | baguhon an source]-
Kababayihan na naka-Choli asin Antariya CE 320 Imperyong Gupta. -
Kababayihan na nakaCholi CE 320 Imperyong Gupta Empire. An amay na porma nin Choli na nakabugkos sa likod na may takop sa hampang. -
Babaying nagbabayle sa kaarog na Kurta/Salwar nanCholi Imperyong Gupta. -
manuskritong Kalpasutra c. 1375–1400. Halimbawa kan amay na porma kan bilog na manggas na choli. -
Detalye kan Vasant Ragini, pagpinta kan Rajasthani kadtong 1500s na nagpapahiling nin amay na porma nin choli na nakabugkos sa likod. -
Iskriturang Bhagavata Purana c. 1525–40 -
manuskritong Bhairavi Ragini, manuskritong Manley Ragamala c. 1610. -
Mga babayeng musikero sa kasal ni Aurangzeb - Mughal c. 1636. -
Si Krishna na nakikipag-kiragan sa mga Gopis, ki Radhas na kamunduan - Kangra Painting c. 1760. An bilog na manggas na choli asin lawas, isinusulot sa mga estado nin Himalayano kan Indya. -
Tinatawan nin arak an ginang, Deccan, 1600 CE.
Historikal na mga ladawan
[baguhon | baguhon an source]-
Sarong babaye na naka-Gagra Choli -
sarong babayeng Tamil na nakacholi -
Kababayihan na Tamil na naka-choli -
Babaying Bengali na nakabilog na manggas na choli (1880) -
Sarong babayeng Sri Lankana na nakacholi (1880) -
Sarong babayeng Marathi na nakacholi -
Sarong plaka na naglaladawan kan suanoy na porma kan halabang choli asin gagra na isinusulot kadtong Imperyong Gupta -
Mga kababayihan na nakaSindhi choli 1845
Mga toltolan
[baguhon | baguhon an source]- ↑ Prachya Pratibha, 1978 "Prachya Pratibha, Volume 6", p. 121
- ↑ Agam Kala Prakashan, 1991 "Costume, coiffure, and ornaments in the temple sculpture of northern Andhra", p. 118
- ↑ Prachya Pratibha, 1978 "Prachya Pratibha, Volume 6", p. 121
- ↑ Linda Lynton, Sanjay K. Singh (2002) "The Sari: Styles, Patterns, History, Techniques.", p. 40
- ↑ Prachya Pratibha, 1978 "Prachya Pratibha, Volume 6", p. 121
- ↑ Katiyar, Vijai Singh (2009). Indian saris : traditions, perspectives, design. New Delhi: Wisdom Tree in association with National Institute of Design, Ahmedabad. p. 211. ISBN 9788183281225. Retrieved 31 October 2015.
- ↑ Chander, Prakash (2003). India: past & present – Prakash Chander. ISBN 9788176484558. Retrieved 13 November 2011 – via Google Books.
- ↑ Bhandari, Vandana (2005). Costume, textiles and jewellery of India: traditions in Rajasthan. Mercury Books. p. 84. ISBN 9780811810845.
Mga panluwas na takod
[baguhon | baguhon an source]
Igwang relatibong medya para sa Choli duman sa Wikimedia Commons
