Cindy Kurleto

Gikan sa Bikol Sentral na Wikipedia, an talingkas na ensiklopedya


Si Cynthia Kristina Kurleto (pinangaki kan Abril 21, 1979) sarong Austrian na modelo, artista, asin dating MTV VJ sa Filipinas. Midbid sya bilang modelo sa mga patalastas asin modelo sa FHM sa Filipinas asin sya man nag ganap bilang si Cassiopea sa palabas na Encantadia asin sa prequel/sequel kaining Etheria. Pinangaki sya sa Austrianong ama asin Filipinang ina.

Biograpiya[baguhon | baguhon an source]

Aki ninda Faustina Verdillo asin Friedrich Kurleto, kasunod sana kan pag dibursyo kan saiyang mga magurang, pinadakula siya kan saiyang ina sa Austria kun sain sya nagkaisip. Si Cindy nagtapos kan saiyang edukasyon poon elementarya hasta kolehiyo asin nagkua nin kursong Hotel and Restaurant Management. Kinahaluyi, nagi sya nin waitress. Kan 2001, binayaan nya an saiyang trabaho asin nagbakasyon sa saiyang sadiring nasyon, an Filipinas. Binenta nya an saiyang awto asin apartment, naghali sa trabaho, nagbakal nin tiket, nagpakaray nin sarong bagahe, asin bag byahe pasiring sa Filipinas. Kan pag abot nya, nagpirmi sya sa Legazpi City, Albay. Kan sya nagtataram para sa sarong lokal na palabas kan ABS-CBN sa Legaspi, igdi sya nadiskubre kan sarong talent scout asin sya inagda na mag modelo sa Manila.

An saiyang inot na pelikula sa direksyon ni Jerry Lopez Sineneng, iyo an Ngayong Nandito Ka kairiba si Kristine Hermosa, Jericho Rosales asinOnemig Bondoc (2003). Si Kurleto nagluluwas na sa nagkapirang mga patalastas asin sa FHM Philippines pati man sa mga lokal na palabas sa TV poon pa kaidto.

Si Kurleto pigdeklarar bilang FHM Philippines' "Sexiest Woman of the World" kan 2004, asin nagluwas man sa kober kan FHM Philippines kan Abril, taon 2004.

Nagi man sya nin co-host sa variety show na "Eat Bulaga" asin pag ganap sa pan dominggong comedy show na "Daddy Di Do Du". Pigbayaan nya an Eat Bulaga kan Nobyembre , taon 2007. An saiyang mga kairiba sa Eat Bulaga pig-suportaran an saiyang desisyon.

Mga Palabas[baguhon | baguhon an source]

Palabas sa Telebisyon[baguhon | baguhon an source]

Taon Titulo Parte Estasyon
2019 Eat Bulaga! Co - Host (Comeback) GMA Network
2006 Co - Host
Encantadia: Pag-ibig Hanggang Wakas Cassiopea
2005 Etheria
2005 Encantadia
2004 Forever In My Heart Elaine
2004 Daddy Di Do Du Greta
2004-2006 ASAP Co-Host / Herself / Performer ABS-CBN
2003-2004 Masayang Tanghali Bayan Co-Host ABS-CBN

Pelikula[baguhon | baguhon an source]

Taon Titulo Parte Studio
2005 Ispiritista: Itay, may moomoo! Lalaine Regal Films

APT Entertainment
2003 Ngayong Nandito Ka Angela Star Cinema

Mga Onra[baguhon | baguhon an source]

  • Ika # 3 - FHM Philippines' 100 Sexiest Women in the World 2003
  • Ika # 2 (# 1 Philippines' Finest) - FHM Philippines' 100 Sexiest Women in the World 2004
  • Ika # 5 - FHM Philippines' 100 Sexiest Women in the World 2005
  • Ika # 7 - FHM Philippines' 100 Sexiest Women in the World 2006

Panluwas na takod[baguhon | baguhon an source]