Clark Juzzhua C. Locario

Si Clark Juzzhua Locairo, sarong Bikolanong Parasurat tubong San Jose, Bombon. Nagin fellow sa inot na ginibong Bay Area Writers Workshop kang taong 2017, Hulyo 12-14 kaiba ang walo pang ibang katood na parasurat: Albert A. Asanza, Estefi E. Becilla, Kassandra Cristy M. Cabrejas, Francia Uranza Cadague, Ramil U. Estuya, Paulo Peñaranda, Richard T. Pineda, asin Jan Oliver Tabinas. Kun sain si Jerome Hipolito an nagin kagtugdas asin inorganisar kan Kolehiyo kan Edukasyon kan Sentral na Bikolnon na Unibersidad nin Estado kan Agrikultura (CBSUA).

Nagtukaw bilang mga panelista an pira sa mga alumni fellows kan CBSUA Writers Workshop na iyo sinda Edwin S. Breva, Jr., Mary Krisma Cabrador, Clinton Caceres, Jett Gacer, Mon Joar Imperial, Rose Ann Nidea, Olivia Obias, Meden Orbita, John Chris Pineda, Cynthia Ruby Reganit, Ken Romero, Abegail Sta. Ana, Jessica Tarala, asin Wende Tolalian.

Nakapira sa mga surat nya an "Limang Araw sa Impyerno" na napadara sa LFM Collections sa irarom kan Project Libro Publishing, "An Nababaak na Hayop" na nagin finalist sa Takatak: Bikol Flash Fiction Writing Contest, asin "Ang Mag-Ina, Ang Ama, at Ang Puno" na nanggana ning ikatulong premyo para sa kategoryang Maiking Kwento, Saranggola Blog Awards 2022.

Dakol na mga parasurat ang nakaimpluwensya saiya sa kung pano sya magsurat. Si Stephen King sa paghuhulma kan mga karakter, si Ryu Murakami sa tensyon kan mga eksena, si Cormac McCarthy sa dialogue, si Bob Ong sa Humor, asin kadakol pang iba arog ninda Nap Arcilla, Bebang Sy, Haruki Murakami, David Joy, Eiichiro Oda, Clive Barker, saka Ray Bradbury.