Cleopatra Kambugu Kentaro
Si Cleopatra Kambugu Kentaro sarong Ugandan human rights activist asin trans woman. Nakabali sya sa 2016 award-winning feature-length documentary The Pearl of Africa.[1]
Buhay[baguhon | baguhon an source]
Nagdakula si Kentaro na igwa nin 11 na mga tugang, asin pirmi nyang inoomaw an saiyang ama huli ta tinabangan sinda kaini na maipahiling an saindang mga namamati na dai nin takot.
Nagtapos si Kentaro nin BSc. in Agriculture (crop pathology, biotech, asin genetics) sa Makerere University Kampala College of Agricultural and Environmental Sciences.[2]
Nagpuon syang maghapot manungod sa saiyang identidad kan sya nag-aadal pa sa unibersidad, sa inot nagsasaliksik kan konsepsyon kan non-binary gender sa manlain-lain na kultura sa paagi nin library dangan internet. Dangan, sa edad na 23, nagpuon nyang madiskubre an komunidad kan LGBT sa Uganda.
Bago pa man sya nagin bantog, napwersa syang bayaan an uganda huli ta an homosekswalidad duman pinagbabawal, nakakua sya nin paiplian sa Kenya.[1] Isinapubliko nya an saiyang pagigin transgender kan 2013 sa takop kan pinakadakulang tabloid kan Uganda, an , Red Pepper.
Nangyari ini pakalihis kan sarong semana kan maipasa an Uganda Anti-Homosexuality Act kan 20 Disyembre 2013 saParliament of Uganda.
An Perlas kan Aprika[baguhon | baguhon an source]
Nagpuon na ihiras ni Cleo an saiyang istorya sa mga popular na webseries, an The Pearl of Africa, kun sain ini pig-adaptar man na magin full-length na dokumentaryo kan Abril 30, 2016 saHot Docs Canadian International Documentary Film Festival. Sa The Pearl of Africa, pinahiling ni Kentaro ini "an intimate journey beyond binary restrictions to discover her identity", sarong proseso na masakit kontra sa panundo sa Aprika pag-abot sa maskulinindad.[1] Si Director Jonny Von Wallström pigsunod si Cleopatra Kambugu Kentaro asin an saiyang ilusyon na si Nelson sa laog nin 18 na bulan, na kaidto padagos na pigtrabaho ni Kentaro an kamugtakan kan LGBT na komunidad kan Uganda mantang ini nakakadanas nin nagpaparalangkaw na kaso nin diskriminasyon.
Karera[baguhon | baguhon an source]
Si Kentaro nagtatrabaho bilang grants administrator para sa East African Sexual Health and Rights Initiative (UHAI EASHRI),[3] pigsusuportaran an sekswalidad, salud, deretson pantawo para sa kasaradita. Pig-aadbokasiya nya man an diskusyon manungod sa gender asin sekswalidad sa Aprika, mantang dai man ngani nagigin komportable sa urulay na sex an mga tawo igdi.[1]
Si Kentaro nagtatrabaho pasiring sa MSc. in Molecular Biology and Biotechnology sa Makerere University College of Veterinary Medicine Animal Resources and Biosecurity.
Nagtrabaho man sya sa pirang mga proyekto sa paagi kan National Biotechnology Centre asin National Agricultural Crop Resources Research Institute, na minatutuok sa molekular na biolohiya kan East African Highland Banana dangan cassava o kamoteng kahoy tangani na ini makatabang na mapuho an pagkapobre asin labing pagtius. .[2]
Mga panluwas na link[baguhon | baguhon an source]
- Cleopatra Kambugu Kentaro at the OkayAfrica 100 Women campaign Archived 2021-03-20 at the Wayback Machine.
- The Pearl of Africa (webseries), Episode 1: A Ugandan Transgender Girl Fight for her Right to Love
Reperensya[baguhon | baguhon an source]
- ↑ 1.0 1.1 1.2 1.3 "Cleopatra Kambugu Kentaro". OKAYAFRICA's 100 WOMEN (in English). Archived from the original on 2021-03-20. Retrieved 2021-03-09.
- ↑ 2.0 2.1 "Cleo Kambugu | WEF | Women Economic Forum" (in English).
- ↑ "Cleo Kambugu" (in English). Archived from the original on 2021-03-20. Retrieved 2021-03-10.