Coccoloba gigantifolia
| Coccoloba gigantifolia | |
|---|---|
| |
| An sarong dahon na nilalangkwan pa an sarong lalaki bilang pagladawan kan kadakulaan kan kaini. | |
Sayantipiko na klasipikasyon 
| |
| Kahadean: | Plantae |
| Klado: | Angiosperms |
| Klado: | Eudicots |
| Klado: | Core eudicots |
| Orden: | Caryophyllales |
| Pamilya: | Polygonaceae |
| Genus: | Coccoloba |
| Espesyes: | Template:Taxonomy/CoccolobaC. gigantifolia
|
| Ngaran binomyal | |
| Template:Taxonomy/CoccolobaCoccoloba gigantifolia E. Melo, C.A. Cid Ferreira & R. Gribel, 2019[1]
| |
.svg)
| |
| An distribusyon kan Coccoloba gigantifolia (Amihanan na Brasil) | |
An Coccoloba gigantifolia sarong klaseng tinanom na nagkakahoy sa pamilyang Polygonaceae.[2] Ini mananagbuan sana sa Babatyaan kan Salog Madeira sa mga estado kan Amazonas asin Rondonia sa katahawan asin habagatan-solnopan kan Brasilyanong Amasonas. An espesyes na ini nakakaagid sa Coccoloba mollis alagad naiiba ta igwa ining mas darakulang dahon sa mga binuburakan kaining sanga.[2][1]
Deskripsiyon
[baguhon | baguhon an source]An Coccoloba gigantifolia sarong kahoy na minadakula hanggang abot 49 feet (15 m) an langkaw asin an dahon kaini minaabot sa 8 feet (2.4 m) an laba, asin 4 feet 7 inches (1.40 m) an lakbang, ini an pantulo[nangangaipo nin toltolan] sa may pinakadarakulang dahon sa mga tinanom na dicotyledonous sunod kaiyan na Gunnera manicata asin Victoria boliviana.[3] An paklang kan dahon minaabot sanang 4 inches (10 cm) an laba asin 1 inch (2.5 cm) an hibog. Dugang pa sa darakula kaining mga dahon, mamimidbidan ini sa mga kaaragid kaiyan sa tisong lawas, na bihirang maglapwas sa 3 inches (7.6 cm) an hibog, na igwang mga saro-singsing, artikuladong paklang kan dahon na nakasalaknib sa ochrea kan pasipu'nan kan dahon, an kabuhokan kaini, asin an pagkakaigwa nin mga tarubtub na mga medulla sa mga sanga.[2] An darakulang dahon nakakagibo nin rosete sa arimpuro kan pangenot na lawas, asin kan nangagkapirang mga sanga.[4] An kahoy na ini garo mayo nin pag-apod an mga lokal.
Kasaysayan botanikal
[baguhon | baguhon an source]An tanom na ini enot na namasdan kan mga botanista sa Salog Canumã, sarong tributaryo kan Salog Madeira, durante nin ekspedisyon kan 1982, alagad mayong specimen na kinolekta huli sa kakulangan nin matabang parte. Kan 1986, sa sarong ekspidisyon na pinanginotan kan botanistang si Juan Revilla an nakatupar asin nakaretrato nin darakulang dahon alagad bawas na indibidwal nin Coccoloba harani sa syudad nin Porto Velho, sa estado nin Rondônia; liwat mayong nakuang specimen para sa herbario. Sa pag'oltan kan 1989 asin 1993, mga 14 indibidwal an nanumpungan sa magkapirang ekspidisyon sa Nasyonal na Reserbang Kadlagan kan Jamari; may darakulang dahon na nakua dawa totoo na bawas an mga specimen. May mga indibidwal na naman nin Coccoloba na darakula an dahon an giraray na naretrato ni Silvestre Silva kan 1995 sa sarong tinampong vicinal na nagtatakod sa siyudad nin Autazes pasiring sa walang pampang kan Salog Madeira, mga 110 km habagatan-subangan kan Manaus. Sa katapustapusi, an sarong ekspedisyon kan Agosto 2005 sa saro pang lugar na nasa palibot nin Reserbang Kadlagan kan Jamari nagbunga nin koleksion nin matabang mga pamurakan kaiba an naholog nang magurang na mga bunga asin banhi sa irarom nin sarong indibiduwal na kahoy.[2]
Etimolohiya
[baguhon | baguhon an source]An espisipikong epithet gigantifolia pinapanongdan an pambihirang kadarakulaan kan mga dahon kan espesyes na ini.[2]
Reperensya
[baguhon | baguhon an source]- ↑ 1.0 1.1 "Species New to Science: [Botany • 2019] Coccoloba gigantifolia (Polygonaceae) • A New Species of Coccoloba P. Browne from the Brazilian Amazon with Exceptionally Large Leaves". novataxa.blogspot.com. 11 November 2019. Retrieved 2020-02-07.
- ↑ 2.0 2.1 2.2 2.3 2.4 Melo, Efigenia de; Ferreira, Carlos Alberto CID; Gribel, Rogério (December 2019). "A new species of Coccoloba P. Browne (Polygonaceae) from the Brazilian Amazon with exceptionally large leaves". Acta Amazonica 49 (4): 324–329. doi:.
- ↑ "Amazonian tree with human-sized leaves finally gets ID'd as new species". news.mongabay.com. 22 November 2019. Retrieved 2020-02-07.
- ↑ Anonymous (September 18, 2017). "Arvore da Maior Folha do Mundo da Frutos e Podera Ser Identificada". Retrieved August 21, 2018.