Cristina Amaral

Cristina Amaral
Kamundagan	Oecusse, East Timor
Nasyunalidad	Timor-Leste
Trabaho	Piloto
Midbid bilang	Pinaka-inot na babaying piloto sa Timor-Leste

Si Cristina Amaral iyo an inot na babaying piloto sa Subangan na Timor (Timor-Leste), sarong nasyon na dae malagpas sa 1.5 milyon na katawo. Naggraduar siya sa saiyang pilot training kan 2015 asin naging komersyal na piloto kan 2018.

Buhay

Si Amaral nagdakula sa baryo kan Costa sa Oecusse, na, maski parte kan Subangan na Timor, sarong enclave na enterong napapalibutan kan dagat asin daga kan West Timor, na parte kan Indonesya

Siya an pinakamatua sa limang aki asin kinaipuhan na timbangon an mga paninimbagan na tumabang sa harong kaiba kan saiyang kamawotan na mag-eskuela. Maray man na dakul siyang suporta hali sa saiyang mga magurang sa pagkua niya nin edukasyon.

Pagsasanay asin pagpoon sa Karera

Pakahali sa saiyang eskwelahan, siya man nakahanao nin oportunidad na magkua nin programa sa sarong pilot training hali sa sarong scholarship. Naging matibay siya kan nag-apply, kaya nakakua siya nin full scholarship. Alagad, nadisipilan siya sa saiyang kurso sa paglayog na tinutukdo sa Ingles, asin napiritan siya na magbalyo sa Jakarta, Indonesya tanganing tapuson an pagsasanay niya sa sarong lenguahe na mas masasabotan nia. Kan 2015, siya naging inot na babaying piloto sa Subangan na Timor alagad nagpirmi pa sya sa Indonesia nin duwang taon, asin nagtrabaho bilang flight instructor.

Kan Abril 2018, siya nag-iba sa Aero Dili, sarong sadit na airline na may duwang sadit na eroplanong Cessna na nagigibo nin charter flights sa Subangan nin Timor.. An mga serbisyo ninda kaipuhan nanggad sa mabukid na nasyon, kun sain pipira sana an tinampo.

Mga Gawad asin Onra

• Kan 2015, si Amaral saro sa 47 "Women of Achievement" na pigselebrar kan UN Women sa ika-20ng anibersaryo kan Deklarasyon kan Beijing, na ilinuwas sa Pankinaban na Komperensiya kan mga Babayi, 1995.