Dagat Laptev
An Dagat Laptev (Russian: мо́ре Ла́птевых, tr. more Laptevykh; Plantilya:Lang-sah, midbid man bilang Dagat Solnopan na Siberia) iyo an marginal sea kan Kadagatan Artiko. Namomogtak iyan sa pag-ultanan kan amihanan na baybayon kan Siberia, kan Taimyr Peninsula, Severnaya Zemlya asin kan New Siberian Islands. An saiyang amihanan na kasagkoran minaagi gikan sa Arctic Cape pasiring sa punto na may co-ordinates na 79°N asin 139°E, asin minatapos sa Anisiy Cape. An Dagat Kara namomogtak sa solnopan, an Dagat Solnopan na Siberia sa subangan.
Inginaran an dagat sa mga Rusong eksplorador na sinda Dmitry Laptev asin Kharinaton Laptev; dating, midbid sa irarom kan manlaenlaen na ngaran, an huri iyo an Nordenskiöld Sea (Russian: мо́ре Норденшёльда), isinunod ki Adolf Erik Nordenskiöld. An dagat igwa nin makuring klima na may temperatura na hababa sa 0 °C (32 °F) labi sa siyam na bulan kada taon, hababang salinidad kan tubig, kakulangan kan flora, fauna asin populasyon kan mga tawo, asin hababaw na rarom (kadaklan dikit sa 50 metros). Nagyeyelo iyan sa kadaklan kan panahon, minsan ngani malinaw sa pangkagabsan kada Agosto asin Septyembre.
