Damulag

Damulag

Sarong damulag na ginagamit sa transportasyon kan panahon sa Manila (1923)

Damulag na ginagamit sa pag-arado kan daga

Nagkakarigos na damulag sa may bukid kan pinatubo trail

An damulag (o karabaw, Malay: kerbau, Ingles: carabao), Bubalus bubalis carabanesis, sarong napagaro' na subspecies kan water buffalo (Bubalus bubalis) nakukua sa Filipinas, Guam asin sa iba pang parte kan Sur-subangan na Asya. An damulag pantrabahong hayop na parati gamit kan mga paraoma sa pag'arado o paggoyod kan pababa o kariton sa paghatod kan mga produktong oma sa saod.

Hitsura

An gurang nang karabaw pwede magtimbang nin walong gatos (800) na kilo asin an unit ninda patos sa mahimpis na buhok, kolor itom o abohon. Igwa sinda nin bongot (na buhok) sa angog asin sa poro kan ikog. Parati an damulag matoninong asin maboot alagad nabura' bigla' kun nakikilhagan.

Pareho an babae asin lalake tinutuboan nin halaba na songoy. Ini mayo nin pagànotan na glands (sweat glands) Nagpapalipot sinda sa paglogbo sa tubogan o sa laboy. Napatos sinda kan laboy sa tuyong bako sana malipotan kundi ngane dai pagparakagaton kan mga insekto.

An damulag nagsasabsab nin doot (awot) asin ibang mga tanom na parati ginigibo ninda kun malipot pa an aldaw, agang amay o hapon nang nagsisinarom. An damulag pigkukuan man nin gatas o binubuno' huli ta makua an saindang unit (kublit) asin karne. Naabot 20 taon an buhay kaini asin an babae taon-taon pwede mag'ogbon.

An damulag tubong hayop sa Sur-subangan na Asya.

Mga panluwas na takod

• Carabao Festival sa Pulilan, Batangas- [1] Archived 2009-05-29 at the Wayback Machine.
• An damulag pigtampok sa blog- [2] Archived 2009-06-11 at the Wayback Machine.