Jump to content

Daniel Razon

Gikan sa Bikol Sentral na Wikipedia, an talingkas na ensiklopedya

Si Daniel Soriano Razon (Pagsayod sa Tagalog: [soɾˈjano ɾaˈson]; namundag Oktobre 11, 1967) sarong Filipinong host sa telebisyon asin radyo.[1] Siya an sa presenteng Overall Servant (ministro; Tagalog: Lingkod Pangkalahatan) kan Mga Myembro nin Church of God International,[2] na saiyang pigtukawan bilang pagsalida ki Eli Soriano kan ini magadan kan Pebrero 11, 2021.

Karera sa broadkast

[baguhon | baguhon an source]

Poon 1987 abot 1988, si Daniel Razon FM disc jockey sa DWKY asin DWST. Dangan siya naglipat sa telebisyon bilang parabareta PTV-4 sa Pangunahing Balita, Balita Ala-Una asin PTV News Nationwide asin host kan mga public-affairs programs na Ang Pandayan ni Mang Pandoy asin Dakila Ka Pinoy (1992 to 1997). Siya man an executive producer asin direktor kan public-affairs program nin IBC-13, Ikaw ang Humatol (1994–1997).[3]

Poon 1997 abot December 2002, si Razon nagtrabaho sa saro pang istasyon nin telebisyon, ABS-CBN, asin siya nagin host/parabareta sa mga TV show arpog kan Hoy, Gising (Hey! Wake Up!), Pulso: Aksyon Balita. Dangan siya nahihiling na sa luwas nin kinaban, ta siya nakikita sa luwas kinaban paagi kan ANC (tugang istasyon kan ABS-CBN) bilang parabareta/anchorman sa Dateline News (1998 sundo 2000) asin bilang program host nin Kumusta Ka, Bayan sa The Filipino Channel (TFC). Durante kan mga taon na idto siya anchor man sa TV show na Gising Pilipinas (1997–2002) asin kan Usapang de Campanilla (2000 abot 2002) sa DZMM 630 AM.[3]

Kan October 5, 2002, si Razon naglipat sa karibal na network kan ABS-CBN, an GMA-7, kun saen siya nagin saro sa host sa Unang Hirit asin anchor kan Unang Balita, an bagong segment kan show na ini. Siya naghale sa GMA kan 2005.[1]

Kan Hunyo 16, 2005, pinag'usip kan Manila Bulletin na si Razon pinirit na magdemitir sa GMA ngani an network "mamantener an neutralidad sa tahaw kan nagsisigeng mainit na dingkilan sa pag'ultan kan Iglesia ni Cristo (INC) asin kan Members Church of God International (MCGI). Kan panahon na idto, si Razon iyo an Bise Presidente Ministro kan MCGI, asin an GMA Network inaabotan nin mga tekstong mensahe pareho hale sa mga myembro kan INC asin MCGI, na nagiinakusaran nin mga gibo-gibong sala. An GMA "namate na bako sa interes kaini na mapatahaw sa diringkilan kan duwa asin pinagmarhay na butsan na sana si Razon." An ginikanan kan reklamo kan INC iyo an pagtaong pahayag ni Razon sa mga mga pagtutukdo nin doktrina sa MCGI na sabi niya "May mga demonyong mahihiling ka sa Net 25 (network sadiri kan Eagle Broadcasting Corporation) na sadiri mansana kan INC." Si Razon nasambitan na sa websityo kan MCGI nagtaram na "Mas marhay mawara sako an gabos bako sana an Dyos", reaksyon niya manongod kan conflicto sa saiyang inaatubang sa trabaho niya sa Unang Hirit asin sa Ang Dating Daan (The Old Path).[1]

Kan Hulyo 2005, si Razon naglipat sa UNTV, sarong UHF television network na pagsasadiri kan Progressive Broadcasting Corporation na an mayoriyang share sadiri ni Alfredo "Atom" Henares sa pagbungsod kan saiyang programang pagkaaga sa UNTV, Pilipinas, Gising Ka Na Ba?!,[4] Kan Agosto 1 parehong taon, si Razon nagbukas kan saiyang public service program sa UNTV, Kaka In Action (na nginaranan nang Kaka at Claire, Kaagapay Niyo asin Kaagapay kan 2006 na sinara man kan taon 2016), an programang dedikado sa serbisyo publiko.[5] Kan Hulyo 23, 2007, Pilipinas Gising Ka na Ba?! pighira sa Good Morning Kuya (lit. Good Morning Brother).[6]

Mga Kontrobersya

[baguhon | baguhon an source]

Si Razon pigdeklarang persona non grata kan gobyerno munisipal kan Apalit, Pampanga, an banwaan kun saen nakabugtak an kwartel kan Members Church of God International ta nagbutas siyang mga tuyaw laban sa Alkalde kan Apalit, na ini man ngani nagkamundoan ki Soriano. An Konseho Munisipal pig'aprobaran an deklarasyon paagi sa Resolusyon 28, serye nin 2008. An resolusyon nagsabi pa na an mga "tuyaw ni Razon sa Good Morning Kuya sarong TV-charity program niya nagtaong salang impormasyon asin piglilisya' an publiko asin pangraot mansana sa dunong kan mga opisyales na ikinakaag sinda sa maraot na ilaw."[7]

Filmograpiya

[baguhon | baguhon an source]

Pelikula

[baguhon | baguhon an source]
Year Title Role Theater Releases Other notes
2009 Isang Araw Lang Daniel Balagtas Hulyo 19, 2009 sa Meralco Theater[8] asin naipalabas sa YouTube kan Marso 30, 2020 Nagin saro man siya sa mga direktor kan pelikula.
2013 Isang Araw Daniel Baltazar Nobyembre 28, 2013 sa Sofitel Plaza[9] asin naipalabas sa YouTube kan Marso 31, 2020 Sarong sequel sa pasali na Isang Araw Lang.
2016 Isang Araw, Ikatlong Yugto Daniel Baltazar Desyembre 15, 2016 sa Marriott Hotel[10] asin naipalabas sa YouTube kan Abril 2, 2020 Sarong sequel sa pasali na Isang Araw.

Telebisyon

[baguhon | baguhon an source]

Radyo

[baguhon | baguhon an source]

Toltolan

[baguhon | baguhon an source]
  1. ↑ 1.0 1.1 1.2 Balares, Dindo. Daniel Razon resigns from GMA, June 16, 2006.
  2. ↑ "About Bro Daniel". mcgi.org.  Unknown parameter |url-status= ignored (help)
  3. ↑ 3.0 3.1 Get it straight from Daniel Razon – Philippine Star (Retrieved May 31, 2010)
  4. ↑ Samio, Veronica (July 1, 2005). "Daniel Razon tatapatan ang 'Unang Hirit' ng 'Pilipinas Gising Ka Na Ba?". philstar.com. https://www.philstar.com/pilipino-star-ngayon/showbiz/2005/07/01/284390/daniel-razon-tatapatan-ang-unang-hirit-ng-pilipinas-gising-ka-na-ba. 
  5. ↑ "Mga baguhan di pa kilala sa US, pero si Richard Gutierrez, sikat na run!". philstar.com. August 7, 2005 . https://www.philstar.com/pilipino-star-ngayon/showbiz/2005/08/07/290324/mga-baguhan-di-pa-kilala-sa-us-pero-si-richard-gutierrez-sikat-na-run. 
  6. ↑ Samio, Veronica (July 22, 2007). "Good Morning Kuya ng UNTV, makikipagsabayan sa morning shows ng GMA at ABS-CBN". philstar.com. https://www.philstar.com/pilipino-star-ngayon/showbiz/2007/07/22/7492/good-morning-kuya-ng-untv-makikipagsabayan-sa-morning-shows-ng-gma-abs-cbn. 
  7. ↑ Garcia, Raymond C (May 8, 2008). "ADD leader declared 'persona non grata'". Sun.Star Pampanga (Sun.Star Publishing, Inc). Archived from the original on June 10, 2008. https://web.archive.org/web/20080610034537/http://www.sunstar.com.ph/static/pam/2008/05/08/news/add.leader.declared.persona.non.grata..html. Retrieved on March 2, 2023. 
  8. ↑ "ISANG ARAW LANG THE MOVIE". Daniel Razon - Official Website | Daniel Razon. Archived from the original on June 2, 2021. Retrieved May 30, 2021.  Unknown parameter |url-status= ignored (help)
  9. ↑ Cruz, Art (December 13, 2013). "Bro. Daniel Razon Debuts 'Isang Araw' Indie Film For Typhoon Relief Efforts". Members Church of God International (MCGI) Official Website | MCGI.org. Retrieved May 30, 2021.  Unknown parameter |url-status= ignored (help)
  10. ↑ Longboen, Leslie (September 22, 2017). ""Isang Araw, Ikatlong Yugto," a film like no other". Yahoo! News. Archived from the original on June 2, 2021. Retrieved May 30, 2021.  Unknown parameter |url-status= ignored (help)
Kinua sa "https://bcl.wikipedia.org/w/index.php?title=Daniel_Razon&oldid=277224"