Deklarasyon nin Katalingkasan kan Filipinas

Sarong depiksyon kan banderang iwinayaway kan deklarasyon. Ini an naging base para sa bandera na piggagamit kan Filipinas ngonian.

Ika-121 taon na selebrasyon kan katalingkasan kan Filipinas sa Monumento ni Rizal

An Deklarasyon nin Katalingkasan kan Filipinas nangyari kan Hunyo 12, 1898 sa Cavite el Viejo (ngonian Kawit), Cavite, Filipinas. Sa pagbasa sa publiko kan Acta kan Deklarasyon nin Katalingkasan, pigproklamar kan pwersa kan rebolusyonaryong Filipino sa irarom nin Heneral Emilio Aguinaldo an soberanyo asin katalingkasan kan Islas Filipinas sa kolonya kan Espanya na nadadaog pa sana sa Guerra kan Manila kan Guerrang Espanyol-Amerikano.

An deklarasyon dai pigbisto kan Estados Unidos o Espanya.

An Aldaw nin Proklamasyon

Sa atubang kan dakol na tawo, pigproklamar an katalingkasan kan Hunyo 12, 1898 magtigbabayong hapon sa Cavite sa harong nin Heneral Emilio Aguinaldo may 30 kilometros sa sur kan Manila. Nahiling digdi an pagbiklad kan Nasyunal na Bandera kan Filipinas na gibo sa Hong Kong ni Marcela Agoncillo, Lorenza Agoncillo sagkod Delfina Herboza, asin pagpatogtog kan Marcha Filipina Magdalo komo Nasyunal na Awit kan nacion na Lupang Hinirang ngonian. Ini komposisyon ni Julian Felipe asin pagtogtog kan bada San Francisco de Malabon.

An Acta kan Deklarasyon nin Katalingkasan pig-andam, pigsurat, asin pigbasa ni Senior Ambrosio Rianzares Bautista sa tataramon na Espanyol.

Mga hihilngan

• History of the Filipino People. Teodoro A. Agoncillo
• National Library of the Philippines

Hilingon man

• Bandera kan Filipinas

Mga panluwas na takod

• An Acta kan Deklarasyon nin Katalingkasan kan Filipinas Archived 2009-02-10 at the Wayback Machine.