Dennis Uy
| Dennis Uy | |
|---|---|
.jpg) Uy kan 2019 | |
| Kamundagan | Dennis Ang Uy Septyembre 26, 1973 Siyudad nin Dabaw, Filipinas |
| Edukasyon | De La Salle University |
| Trabaho |
|
| Midbid bilang | Kagtugdas asin kagsadiri kan Phoenix Petroleum, Pamayo kan 2GO Group |
| Yaman | $650 million (2020)[1] |
| Agom | Cherylyn Chiong |
| Mga aki | 3 |
Si Dennis Ang Uy[2] (namundag Septyembre 26, 1973[3]) sarong Filipinong negosyante asin diplomatiko na taga Siyudad nin Davao asin siya an kagtugdas kan Udenna Corporation na igwang partisipasyon sa iba-ibang negosyo kabali na an Phoenix Petroleum.
Kaamayi kan buhay asin edukasyon[baguhon | baguhon an source]
Si Dennis Uy namundag asin nagdakula sa Dabaw [4] sa pamilyang Tsino nakabase sa Siyudad nin Dabaw asin siya yaon sa ika-3ng henerasyon kan mga Uy. An saiyang mga apoon na si Ega Uy asin si Tao Sui Eng mga Tsinong etniko na nagbanwa na sa Dabaw komo mga komersyante asin sinda igwang tindahan na nagbebenta nin mga gamit sa pagsisira' manta' an saiyang mga magurang mga komprador nin abaka.[5] Si Uy iyo an pinakamatua sa magturugang.[6] Susog sa saiyang istorya, siya nagkakawat baskebol kan hubin pa manta na siya nagpapabakal nin mga gamit pang'eskwela asin tiket sa basketbol.[5]
Si Uy nag'entra sa De La Salle University sa Manila sa pagkua nin Batsilyer sa Syensia sa Business Management na degree asin tolos naglaog sa pagbakal-benta nin stock. Siya naggradwar sa De La Salle kan 1993.[5] Huli ta an saiyang rekord sa pag'adal ordinaryo mansana, susog sa osipon niya, nagdesidir siyang dai na mag'adal nin abogasya ta sabi niya siya daa maluya sa torooman kaya dai siya nag'isip pang gibohon karera an pag'aabogado.[6]
Karera[baguhon | baguhon an source]
Karera sa negosyo[baguhon | baguhon an source]
Kan matapos niya an pag'adal sa kolehiyo, si Dennis Uy nagtabang sa pagpadalagan kan negosyo kan pamilya asin nakanood makiramas sa mga gurang na negosyante.[5] An negosyo kan saiyang pamilya yaon sa Tagum, asin imbwelto sa pagmimina, mga supermarket, pagbenta nin mga awto asin sa mga iba pang industriya. Si Uy sampolong taon nagtrabaho sa mga negosyo kan saiyang mga magurang asin may panahon na kapot niya duru-durungan an pagpadalagan nin pitong kompanya.[6] Siya nagdesidir na magtugdas naman kan saiyang rogaring na negosyo na suway sa mga sibot kan saiyang mga magurang.
Nagpoon siya magnegosyo hale sa kita niya sa pagbakal-benta nin mga stock kan siya yaon pa sa kolehiyo asin minukna niya an negosyong Dencio's Kamayan, sarong barbekyuhan na natongod mansana kaagid sa pangaran kan sarong restaurant chain sa Manila. Nagpoon siya sa negosyo na independyente na dai siya nagpasanggawad sa mga kapamilya niya. An barbekyuhan na may walo nang sanga saiyang ilinito sa saiyang tugang na babae ta siya nag'asikaso nang husto sa pagpartisipar sa industriya nin petroleo.[5][6] Siya nagtugdas man kuta nin duwang peryodiko na pigpupublikar sa Siyudad nin Dabaw alagad an duwang ini nawara' na..[6]
Dennis Uy, saro sa 50 pinakamayaman na Filipino[baguhon | baguhon an source]
Si Dennis Uy nakabali sa 50ng pinakamayaman na Filipino sa taon na 2021. Siya ika-27 na may net worth na $710 milyon susog sa Forbes Magazine. [7]Si Dennis Uy iyo an kagtugdas kan Udenna, sarong conglomerate na may mga interes sa petroleo, asayti, asin gas, sa shipping, logistics, real estate, edukasyon, asin gaming.
Laen pa kan sa Udenna, an saiyang nagkakama'gal na yaman hale pa sa mga kompanyang publiko arog kan Phoenix Petroleum Philippines, Chelsea Logistics and Infrastructure. Kan Mayo 2021, si Uy nakakua nin interes na nagkokontrol kan Malampaya gas field sa West Philippine Sea sa transaksyon nagkahalagang $400 milyon.[8]
Toltolan[baguhon | baguhon an source]
- ↑ Uy, C. (September 16, 2020). "Dennis Uy". Forbes. https://www.forbes.com/profile/dennis-uy/?sh=444d673d6e8c. Retrieved on February 6, 2021.
- ↑ Dela Paz, Chrisee (16 August 2017). "How to grow a business, according to Dennis Uy". Rappler. https://www.rappler.com/business/175419-dennis-uy-davao-tycoon-duterte-connection. Retrieved on 28 November 2018.
- ↑ Jara, Marifi (20 November 2018). "A glimpse of the beginnings of a growing empire". BusinessWorld. https://www.bworldonline.com/a-glimpse-of-the-beginnings-of-a-growing-empire-2/. Retrieved on 25 January 2019. "But the most ambitious — and most controversial — undertaking so far of the 44-year-old entrepreneur [Uy] is in yet another sector: telecommunications."
- ↑ "Dennis Uy to deliver keynote speech at BW Economic Forum". BusinessWorld. 18 May 2018. https://www.bworldonline.com/dennis-uy-to-deliver-keynote-speech-at-bw-economic-forum/. Retrieved on 25 January 2019.
- ↑ 5.0 5.1 5.2 5.3 5.4 Gonzales, Iris (1 July 2017). "The golden age of Dennis Uy". The Philippine Star. https://www.philstar.com/other-sections/starweek-magazine/2017/07/01/1715378/golden-age-dennis-uy. Retrieved on 25 January 2019.
- ↑ 6.0 6.1 6.2 6.3 6.4 Flores, Wilson (29 April 2018). "Dennis Uy: 'In business, dapat may forever'". The Philippine Star. https://www.philstar.com/lifestyle/sunday-life/2018/04/29/1810319/lifestyle. Retrieved on 25 January 2019.
- ↑ 2021 Philippine 50 Richest.[1] Kinua 11-04-21.
- ↑ 2021 Philippine 50 Richest.[2] Kinua 11-04-21.
