Dhumavati

An diosa na si Dhumavati

Si Dhumavati (Sanskrito: धूमावती, Dhūmāvatī, sa literal "an saro na maaso") saro sa Mahavidya, sarong grupo nin sampulong tantrikong diosang Hindu. Si Dhumavati nagrerepresentar sa makatatakot na aspekto kan Mahadevi, an supremong diosa sa mga tradisyon na Hindu na arog kan Shaktismo. Parati siyang ilinaladawan na gurang na, makanos na balo, asin kaayon sa mga bagay na pigkokonsiderar na dai risa asin bakong magayon sa Hinduismo, arog kan uwak asin panahon nin mga Chaturmas. An diosa parateng ilinaladawan na may darang nigo sa karwahe na mayong kabayong o nakasakay sa uwak, na sa parate nasa daga nin kremasyon.

Ikonograpiya asin tekstwal na mga paglaladawan

An early 20th century Rajput painting na naglaladawan ki Dhumavati na igwa nin abohon na kublit asin nakasulot nin madiklom na gubing asin may kapot na nigo. Siya nakalunad sa sarong uwak alagad may mga nakaadornong alahas, mga dekorasyon na kun saen kontraryo saiyang tradisyonal na paglaladawan.

Sarong huring 18-siglo na painting ni Molaram naglaladawan na abohon na kublit Dhumavati kapot an sarong nigo, nakalunad sa karwahe, alagad binubusol nin duwang uwak asin siya inadornohan man nin mga alahas, kabaliktaran sa saiyang tradisyonal na paglaladawan

An Dhumavati Tantra naglaladawan saiya bilang sarong gurang asin makanos na balo. Siya iyo maniwang, halangkaw, bakong mabaskog, asin malungsi an kublit. Siya linaladawan bilang daing pahingalo asin tuso. Kapag dai naadornohan nin mga alahas, siya nakasulot nin daan asin maating gubing, asin gurubot na buhok. An saiyang mga mata daing takot, an saiyang dungo iyo halaba asin tiriko, asin an iba niyang haralabang garo tingong mga ngipon nakawaraltak na, nagwawalat sa saiyang mga ngisi nin mga ngaros sana. An saiyang mga talinga makanos asin maharaphap; an saiyang daghan naglaylay. Sa saro niyang kamot na nagtatarakig, siya may kapot na nigo, mantang an ibong na kamot naggigibo nin boon-conferring gesture (varada-mudra) o gesture na nagtatao nin kaaraman (cinmudra). Siya nakalunad sa karwahe na mayong kabayo dara an emblem nin sarong uwak asin sarong wagayway. Siya astute asin malinalang, kun tutuuson. Pirmi siyang gutom asin paha, Si Dhumavati poon-poonan sa iriwal asin nagwawaras nin takot.