Dorothy Vaughan
| Dorothy Vaughan | |
|---|---|
 | |
| Kamundagan | Dorothy Jean Johnson Septyembre 20, 1910 Kansas City, Missouri |
| Kagadanan | Nobyembre 10, 2008 (edad 98) Hampton, Virginia |
| Alma mater | Wilberforce University (BA) |
| Mga aki | 6 |
| Karera sa siyensya | |
| Lado | Matematkia |
| Institusyon | NACA, Langley Research Center |
Si Dorothy Johnson Vaughan (Septembre 20, 1910 – Nobyembre 10, 2008) iyo sarong Aprikano Amerikanong matematiko asin tawong kompyuter na nagtarabaho para sa National Advisory Committee for Aeronautics (NACA), asin NASA, sa Langley Research Center sa Hampton, Virginia. Kaidtong 1949, nagin siyang tagaaktong superbisor sa West Area Computers, an pinakaenot na Aprikano Amerikano na makaresibe nin promosyon asin magsuperbisa sa sarong grupo nin mga staff sa tahaw.
Dagos naman siyang opisyal na napromotar sa posisyon nin superbisor. Durante kan saiyang 28-taon na karera, si Vaughan nagpreparar para sa introduksyon nin makinang kompyuter sa kaamayan nin 1960s sa pagtukdo sa saiyang sadiri asin sa saiyang mga staff sa lenggwaheng pamprograma na Fortran. Pinamayuhan niya man an seksyong pamprograma kan Analysis and Computation Division (ACD) sa Langley.
Si Vaughan iiyo saro sa mga babaying naitampok sa historyang naisurat ni Margot Lee Shetterly na Hidden Figures: The Story of the African-American Women Who Helped Win the Space Race (2016). Pig-adaptar ini bilang sarong biyograpikal na pelikula sa kaparehong ngaran, asin pigluwas man kan 2016.
Kan 2019, si Vaughan iyo piggawadan nin Congressional Gold Medal.[1]
Mga gawad asin onra
[baguhon | baguhon an source]- 1925: Beechurst High School – Class Valedictorian
- 1925: West Virginia Conference of the A.M.E. Sunday School Convention – Full Tuition Scholarship
- 1929: Wilberforce University – Mathematician Graduate Cum Laude
- 1949–1958: Pamayo kan National Advisory Committee of Aeronautics' Segregated West Computing Unit
- Oktubre 16, 2019: sarong lunar na krater an pigpangaran saiya.[2] An ngaran iyo napili kan planetaryong siyentista na si Ryan N. Watkins asin kan saiyang estudyante, sagkod pigsubmitar sa ika-109 na kompleanyo ni Dorothy Vaughan.[3]
- 2019 Nobyembre 8: Congressional Gold Medal[1]
- Kan 6 Nobyembre 2020, sarong satelayt na pigpangaran saiya an piglunsar sa kalawakan.
Toltolan
[baguhon | baguhon an source]- ↑ 1.0 1.1 "H.R.1396 - Hidden Figures Congressional Gold Medal Act". Congress.gov. Retrieved 9 November 2019.
- ↑ "Vaughan". Gazetteer of Planetary Nomenclature. Retrieved February 27, 2020.
- ↑ Ryan Watkins, "Thrilled to announce that this small (3 km) crater on the Moon now has a name - Vaughan! My student and I chose to name Vaughan crater after Dorothy Vaughan (you may remember her from @HiddenFigures, where she was portrayed by @octaviaspencer).", Twitter, 16 octobre 2019.
Panluwas na takod
[baguhon | baguhon an source]- Hidden Figures sa IMDb
