Dubai

An Dubai kun banggi

An Dubai (sa Arabe دبيّ, Dubayy) an pangaran nin sarô sa mga pitong emirato nagkokomponer kan Emiratos Arabes Unidos (EAU) asin kan kapital kan mismong emirato na ini. An modernong emirato nin Dubai ay nagibo sa pagkamundag nin Emiratos Arabes Unidos sa 1971. An Dubai iyo an ermirato na pinaká matawo asin ikaduwang pinaká dakola sa kadagaan, sunod sa Abu Dhabi, kan EAU.

Igwa sa Dubai na mga 1,422,000 na katawo. Sa nguyan na taon na 2007, aro-aldaw may mga 800 na bagong katawo an nagiistar sa nasabing emirato. Alagad, mga 17% sana an talagang mamamayan nin EAU. Sa ibang pansabi, 83% mga dayuhan. An pinaká dakolang komunidad nin dayuhan digdi ay mga Indios (51%), Pakistani (16%), Banglades (9%) asin mga Filipino (3%). Igwa man an katawonan nin Dubai na 3% na taga nacion na sulnopan.

Bistado an Dubai sa dakolang asenso kaini, asin sa mga proyectong pantindog nin mga edipisyo arog nin hotel nin Burj Al Arab. Magayon man an pagaasenso kaining industriya nin turismo. Alagad, midmid man an Dubai sa ining mga problema nin derechos nin tawo (human rights), lalo na sa pagtratrato kan mga trabador asin katabang na dayuhan na nagtitios digdi para magpadara nin kwarta sa saindang pamilya, arog kan mga Filipino.

Ekonomiya

Sa taon na 2006, an produktong kagabsan panlaogan nin Dubai nagabot sa US$46 milyon. Maski na an kayamanan nin Dubai nagtubo sa pagkua nin petrolyo, sa nguyan na panahon, 3% sana an kontribusyon kaini sa enterong ekonomiya. Pigeestimar na maubos na an petrolyo kaining emirato sa 20-ng taon. Mas dakola an pigkokontribuir nin turismo, industriya asin pinansya sa ekonomiya nin Dubai.

Klima

Mainit asin dumog (humid) an klima nin Dubai huli ta nasobra sa 40 na grado an temperatura digdi sa dakolun na bulan. Sa Nobyembre, Disyembre, Enero asin Pebrero sana nababa na termometro sa ibaba nin 20 na grado, minsan sa ibaba nin 15 na grado.

Panluwas na takod

• An Dubai travel guide gikan sa Wikivoyage
• دبي.امارات Archived 2020-11-29 at the Wayback Machine. – The Official Portal of Dubai Government
• www.dm.gov.ae – Dubai Municipality website