Eddie Ilarde

Gikan sa Bikol Sentral na Wikipedia, an talingkas na ensiklopedya
Jump to navigation Jump to search

Si Edgardo U. Ilarde ( Agosto 25, 1934) - Agosto 4, 2000 ) bistong gayo sa apod na Eddie Ilarde, sarong Filipinong parapahayag sa radyo asin telebisyon, nagin aktor sa mga pelikula, asin nagin elehidong opisyal inot bilang konsehal sa Syudad nin Pasay kan 1963, dangan nagin kongresista (1965) na pigrepresentar an Inot na distrito kan Rizal asin nabotohan sumunod bilang senador (1972) na pareho sa sarong turno. Nagin man siyang assemblyman sa Interim Batasang Pambansa (1978). [1][2]

Bilang host sa telebisyon, kinaptan an mga minasunod na programa: Kahapon Lamang, Student Canteen asin Darigold Jamboree.

Pamilya[liwaton | liwaton an gikanan]

Si Ilarde namundag sa banwaan nin Iriga (ngonyan, Syudad nin Iriga) kan Agosto 25, 1934. An saiyang mga magurang iyo si Emilio Ilarde asin Agapita Ubalde. Napangagom si Sylvia Arrasita, an pagsasaro ninda nagbunga nin limang (5) aki. [3]

Inot na mga taon[liwaton | liwaton an gikanan]

Si Ilarde namundag sa Iriga, Camarines Sur. Kan magtapos sa haiskul, nagpasiring na siyang Manila kun saen nagin siyang paralinig-sapatos asin paratindang peryodiko sagkod na an saiyang tugang tinabangan siyang maka'entra sa kolehiyo. Nakatapos siyang Batsilyer en Artes major sa Journalism sa Far Eastern University.

Personalidad sa media[liwaton | liwaton an gikanan]

Kan siya yaon sa kolehiyo, nareparo siyang mahusay na orador sdin an abilidad niyang ini iyo an nagin dalan pagtrabaho niya sa mga istasyon nin radyo, mala ta nagin siyang popular na maray bilang radio host kan mga taon 1950. An saiyang mga programa nagruluwas sa DZBB, DZRH asin sa DZXL. An saiyang programang Kahapon Lamang kun saen dakul nagpapahayag kan mga personal na problema an mga paradangog nagbunga kan panaram na Dear Kuya Eddie, na ngapit iyo an ginamit niyang titutlo sa sarong programa, asin an olay na Napakasakit, Kuya Eddie na iyo an titulo kan sarong theme song kinanta ni Roel Cortez. Katuwang si Bobby Ledesma, si Ilarde may programa sa DZXL kan pang-odtong variety show na Student Canteen na an magkapwa dagos na pigmantener kan sinda nagbalyo sa telebisyon kan 1975.[4]

Bilang pulitiko[liwaton | liwaton an gikanan]

Nagin siyang konsehal kan 1963 sa Siyudad nin Pasay kan 1963. Dangan pakalihis duwang taon, nag dalagan siyang kandidatong independiente kalaban an nakatukaw na kongresista kan primer distrito nin Rizal na saiyang dinaog. Sa ika-anom na kongresong ini, kapot niya an Committee on Fishing Industries. Kakampi kan mga Liberal, siya nagkandidato sa irarom kan partido kan taon 1969 alagad dai siya nakalusot. Kan 1971 nagkandidato naman para sa Senado sa lindong kan Partido Liberal alagad kan miting de avance, siya asin mga kairibang kandidato malaen na gayong na'erido sa pagbomba duman sa Plaza Miranda kun saen sinda tiripon. Si Ilarde asin 5 kan kapartido niya nabotohan sa Senado asin nagtukaw siya bilang Senador kan Enero 1972 alagad ini nasubak asin mayong kinaabtan ta si Ferdinand Marcos nagdeklara nin ley militar kan Septyembre kan taon na idto.

Si Ilarde nagbalyo sa Kilusan Bagong Lipunan, partido ni Marcos kan magkaigwang eleksyon para sa Interim Batasan Pambansa bilang kandidatong Assemnblyman representado an Metro Manila. Nagsirbe siya abot 1984 asin mantang yaon sa Batasan saiyang maigot na itinotolod na "Maharlika" imbes na "Filipinas" an darahon nang pangaran kan nasyon.

Pagbomba sa Plaza Miranda[liwaton | liwaton an gikanan]

Si Ilarde kadamay sa dakul na nalugadan, mga kandidato para senador asin mga paradalan, kan igwang nagdaklag nin duwang granada sa entablado kan an Partido Liberal nagmi-"miting de avance" sa Plaza Miranda sa Quiapo, Manila kan Agosto 21, 1971 kun saen 9 an nagadan asin sobrang 100 an nalugadan..[5]

Mga iba pang pigkabangkagan[liwaton | liwaton an gikanan]

Si Ilarde nagkandidato otro kan 2004 para sa Senado pero naghugpa siya sa ika-33 sa 48 kandidato.

Si Ilarde iyo an kagmukna asin pamayo kan Maharlika Foundation for National Transformation, Inc., asin kan Golden Eagles Society International, Inc., kaayonan nin mga senior na namamanwaan.

Kagadanan[liwaton | liwaton an gikanan]

Si Ilarde nagadan kan Agosto 4, 2020 sa edad na 85 huli sa kagurangan sa harong niya sa Makati asin bako man huli sa COVID19, paliwanag kan pamilya. Si Ilarde ultimong pigkasibotan bago nagadan, iyo an pagigin konektado sa dzBB. [6][7][8]

Filmograpiya[liwaton | liwaton an gikanan]

Mga pasale sa telebisyon[liwaton | liwaton an gikanan]

TV Specials[liwaton | liwaton an gikanan]

  • GMA @ 45: The GMA 45th Anniversary Documentary Special (GMA 7, 1995)
  • GMA Gold @ The GMA 50th Anniversary Special (GMA 7, 2000)
  • No. 1 @ 55: The GMA 55th Anniversary Special (GMA 7, 2005)
  • GMA News @ 50: The GMA News 50th Anniversary Documentary Special (2009)
  • GMA @ 60: The GMA 60th Anniversary TV Special (GMA 2010)
  • Thank You Kapuso: GMA @ 65: The GMA 65th Anniversary TV Special (GMA 7, 2015)

Radyo[liwaton | liwaton an gikanan]

  • Napakasakit, Kuya Eddie (Super Radyo DZBB 594 AM, 1973-1995)
  • Kahapon Lamang (Super Radyo DZBB 594 AM, 1973-2002; 2012-2020)

Pelikula[liwaton | liwaton an gikanan]

  • Dear Eddie (Premiere Entertainment Productions, 1963)
  • Napakasakit, Kuya Eddie The Movie (Special People Productions, 1986) - Host Cameo
  • Omeng Satanista (RVQ Productions, 1977) - Lunch Show Host


Toltolan[liwaton | liwaton an gikanan]

  1. [1] Bicol Standard, Mar. 8, 2014.
  2. <[2]rappler.com.
  3. [3] Bicol Standard, Mar. 8, 2014.
  4. [4].Newsinfo.Inquirer.net.
  5. [5]Www.gmanetwork.com.
  6. [6].Newsinfo.Inquirer.net.
  7. [7]Www.philstar.com.
  8. [8]Rappler.com