Edmundo Cea

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
Ladawan:Edmundo Cea.tif.jpg
Si Sen. Edmundo Cea (1955)[1]
Edmundo B. Cea
Senador kan Filipinas
Termino
Desyembre 30, 1953 – Desyembre 30, 1959
Myembro kan Philippine House of Representatives kan Camarines Sur's Ikaduwang distrito
Termino
Desyembre 30, 1949 – Desyembfre 30, 1953
Suminunod ki Sebastian Moll, Jr.
Sinundan ni Felix Fuentebella
Mambabatas Pambansa (Assemblyman) from Camarines Sur
Termino
Hunyo 30, 1984 – Marso 25, 1986
Serving with Ciriaco Alfelor, Rolando Andaya and Luis Villafuerte, Sr.
Personal na mga detalye
Kamundagan (1911-06-10)Hunyo 10, 1911
Tigaon, Camarines Sur, Philippines
Kagadanan Desyembre 30, 1993(1993-12-30) (edad 82)
Partido politikal Partido Nacionalista

Si Edmundo B. Cea (Hunyo 10, 1911 - Desyembre 30, 1993[2]) sarong dating representante kan ika-2nd Distrito nin Camarines Sur sa ika-2nd Kongreso (1949-1953) asin dating senador sa ika-3ng Kongreso (1953-1959) kan Filipinas.

Pamilya[liwaton | liwaton an gikanan]

Si Cea namundag sa Tigaon, Camarines Sur sa mag'agom na si Kongresista Severo Fuentebella Cea asin si Angela Bombase.

Edukasyon[liwaton | liwaton an gikanan]

Siya nag'adal sa Unibersidad kan Santo Tomas na nakua an mga kurso nin Batsilyer sa Pilosopiya asin Letra asin man kan Batsilyer sa Ley. Pagkua niya nin eksamen sa Bar kan 1935, halangkaw an grado niya. Kan siya yaon sa kolehiyo nagin siyang myembro sa Alpha Tau Fraternity asin man Presidente kan University Student Council.

Siya an pinakaenot na dekano kan College of Law kan Unibersidad nin Nueva Caceres. Siya saro sa kabarakas na kagtogdas kan unibersidad na ini kan taon 1948.

Karera[liwaton | liwaton an gikanan]

Sarong beterano, siya aktibong nadamay sa kampanya laban sa mga kagsakop na mga Hapon kan gera (1942-1945). Sarong bagay saiya na kaomaw-omaw iyo ta kan piskal siya gabos na kaso nag'agi saiya natapos na maray an resulta mala ta gabos nasentensyahan. Siya an kag'ama kan Bank Secrecy Law, kagtogdas kan pinakaenot na estasyon nin radyo sa ronang Bicol asin kagtogdas na pamayo kan kaiyo'iyong azucarera sa Biicolandia, an Bisudeco (kan nareorganisar, an pangaran na Penafrancia Sugar Mill (Pensumill).

Kan siya nagdalagan bilang kandidato nin pagkaKongresista kan 1949, an nakalaban niya iyo si Sebastian Caruso Moll na nadaog kaini an dating Senador na si Jose Tria Fuentebella, an enot na pinsan kan saiyang ama. Nagin man siyang delegado sa Batasang Pambansa (1971-72) asin kaapil sa oposisyon na Apat na Agila kun saen an kairiba niya iyo sinda Villafuerte, Rolando Andaya, Sr., asin si Ciriaco Alfelor, Sr.

Matingog na orador, si Cea konsideradong saro sa madunong na lehislador kan panahon niya. Nagpoon an karera niya sa pulitika paagi kan Partido Nacionalista asin nagadan na siya an Chairman kan partidong ini sa Bicolandia.

Mga rogaring pig'iiriwalan[liwaton | liwaton an gikanan]

Poon pakagadan ni Cea, an saiyang mga rogaring sa Baras, Canaman pig'aaragawan kan tolong soboot mga tagamana niya: si Norma Cea-Papas, an iyo'iyong lehitimong aki niya, si Diana Cea-Gozum, an aki ni Cea sa ibang babae alagad saiyang kinopkop, asin an saro pang babae, si Leonila Cristy Cortez na naghihinako' kan mga propiedades ni Cea para sa saiyang aki na nagngangaran Edmundo Cea, Jr., na sabi niya aki man kan si gurang na Edmundo Cea na soboot sa sarong affidavit inako an paternidad niya sa aking ini. Hanggan ngonyan an burutayan kan tolo sa mga rogaring dai pang linaw sa Korte.[3]

Mga panluwas na takod[liwaton | liwaton an gikanan]

  • Bicol Mail: Tongod sa iriwal kan rogaring ni Senador Cea [2]
  • Philippine Law Info: Si Cea, bilang abogado [3]
  • Kaso Sa Korte Suprema manongod sa reklamo kan saro sa tagamana ni Senador Cea [4]

Toltolan[liwaton | liwaton an gikanan]

  1. Retrato niya sinapi' sa Bicolandia, vol. 1, nu. 8. Septyembre 1955
  2. http://www.bicolmail.com/issue/2006/may4/late.html
  3. Iriwal sa rogaring[[1]