Eduardo Cojuangco Jr.
| The Honorable Eduardo Cojuangco Jr. | |
|---|---|
| Member of the Philippine House of Representatives from Tarlac's 1st District | |
| Termino Desyembre 30, 1969 – Septyembre 23, 1972 | |
| Suminunod ki | José Cojuangco Jr. |
| Sinundan ni | Nabakante kan nagdeklara si Ferdinand Marcos kan Ley Militar kan Septyembre 21. 1972 |
| Governor of Tarlac | |
| Termino December 30, 1967 – December 30, 1969 | |
| Personal na mga detalye | |
| Kamundagan | Hunyo 10, 1935 Paniqui, Tarlac, Philippine Islands |
| Kagadanan | Hunyo 16, 2020 (edad 85) Taguig, Philippines |
| Partido politikal | NPC (1991–2020) |
| Iba pang partido | Nacionalista Party (1968–1991) |
| Agom | Soledad "Gretchen" Oppen-Cojuangco |
| Mga aki | 6 (including 2 daughters with Aileen Damiles) |
| Alma mater | California Polytechnic State University, San Luis Obispo De La Salle College |
| Kasibotan | Politiko, negosyante |
| Military service | |
| Allegiance | .svg){kind=small} Philippines
|
| Serbisyo/sangay | Philippine Air Force |
| Ranggo | Colonel |
| Unit | Reserves |
Si Eduardo "Danding" Murphy Cojuangco Jr. (Hunyo 10, 1935 - Hunyo 16, 2020) iyo sarong nagligad na namayo sa San Miguel Corporation, an pinakadakulang korporasyon sa pagkakan asin mga inomon sa Filipinas asin sa Sur-subangan na Asya, dating embahador kan Filipinas asin dating gobernador kan Tarlac, asin sarong pilantropo.
Kan 2016, an saiyang personal na yaman piggaom na maabot US$1.1 bilyon. PInagtantya, na sa sarong pagkataon, an negosyo niya nagpakol sa 25% kan gross national product kan Filipinas. Kan Hulyo 2017, an saiyang personal na yaman piggagaom kan Forbes na uminabot nang US$1.07 bilyon. Siya naapod na "saro sa nangengenot na negosyante sa nasyon."[1]
Buhay pulitiko
[baguhon | baguhon an source]Si Cojuangco nagin ugos na amigo asin haraning tagahatol ki Presidente Ferdinand Marcos, na iyo nagresulta sa pagrayo sa boot saiya kan saiyang prima na si Corazon Aquino, na an huri, pakapatalsik ki Marcos iyo an nagin presidente. Siya sinasabing kaapil sa inapod na "Rolex 12", grupo nin dose katawo ugos na gayo ki Marcos asin soboot iyo an nagpapasunod kan Ley Militar. Si Cojuangco pigaakusar kan mga militar na harani sa lugar kun saen an krimen nin pag-asasinar ki Benigno Aquino nangyari, na iyo siya an kagmando sa pagpagadan kan huri.[2][3]
Siya ngonyan an chairman emeritus kan Nationalist People's Coalition, an partidong saiyang tinogdas kan 1992 na nagserbing behikulo sa pagbungsod niya kan saiyang kandidatura sa eleksyon presidensyal 1992 na kun saen siya nadaog sa sinasabing higot na ralaan ta tolo sindang kandidato, an duwa iyo si Fidel Ramos na nasikwit an 23.6% kan boto asin si Miriam Defensor Santiago na nakasikwit kan 19.7% kan boto asin siya nag-ikatolo, nakua niya 18.2% kan boto..[4]
Proyekto sa edukasyon
[baguhon | baguhon an source]Siya man an chairman kan The Eduardo Cojuangco Foundation (ECF), na nagbungsod kan proyektong Flagships to Reach Educational Excellence, (Project Free) kun saen an mga maestro sa eskwelahan publiko sa Tarlac pwede makakua kan saindang mga masteral asin doctoral na degree sa irarom kan programang pighaman kan University of St. La Salle Bacolod alagad sa kampuis kan Tarlac State University an mga kurso pinagtatangro. [5]
Tagasuporta sa isports
[baguhon | baguhon an source]Makusog siyang nagsusuporta sa kawat na basketbol mala ta paagi kan saiyang mga korporasyon, saiyang pig'aataman an magkapirang basketball team arog kan San Miguel Beermen, Barangay Ginebra San Miguel, asin Star Hotshots. Yaon man sa saiyang pag'asikaso an Green Archers men's basdketball team kan De La Salle.
