Edward Fisher
Si Edward Fisher (11 Enero 1848 – 31 May 1913) sarong Kanadyenseng direktor sa orkestra, maestro, organista asin kagtogdas saka enot na direktor musikal kan Toronto Conservatory of Music.
Namundag sa Jamaica, Vermont, siya nag'adal sa Boston Conservatory of Music. An saiyang mga maestro kairiba sa Julius Eichberg, Joseph Bennett Sharland, asin Whitney Eugene Thayer. Dangan nag'adal pa siya sa Berlin, Alemanya sa pag'aataman ni Carl August Haupt asin ni Carl Albert Loeschhorn. Kan 1875 naghubo' siya sa Ottawa kun saen duman nagin siyang direktor musikal kan Ottawa Ladies' College asin saiyang pigkondukta an Ottawa Choral Society. Sa pag'isog niya sa Toronto, nagin siya duman organista sa St Andrew’s Presbyterian Church poon 1879 sungdo' 1899. Nagin pa man siyang direktor musikal kan Ontario Ladies' College sa Whitby, Ontario. Kan 1886, pino'nan niya an Toronto Conservatory of Music asin siya nanombrahan direktor musikal kaini.
Nagadan siya kan 1913. Sa pwesto niyang idto, sinanglean siya ni Augustus Stephen Vogt.
Toltolan[baguhon | baguhon an source]
- Agi-agi kan buhay niya- [1]