Efrain Rios Montt

Si José Efraín Ríos Montt (namundag Hunyo 16, 1926) sarong dating de facto'ng Presidente kan Guatemala, diktador, heneral sa hokbo, asin dating presidente kan Kongreso. Siya bisto sa luwas kan Guatemala sa pagkaag nin sarong rehimen militar (1982-1983) sa Guatemala bilang simbag sa nagputok na rebelyon sa nasyon na ini. Kan 2003 na eleksyon, siya nagdalagan komo kandidato kan si namomoon na partido pulitikal, an Guatemalan Republican Front (FRG) alagad dai nakaluwas.

Namundag sa Huehuetenango, si Rios Montt sagkod-ngonyan tinatratong pigurang kontrobersyal sa Guatemala ta an saiyang rehimen militar inaakusar na responsable sa mga paglapas sa katanosan pangtawo arog kan lakopan na masaker, pagpuho asin paglupig sa mga tinubong Mayan na pigdoon kan saiyang gobyerno bilang kakampi kan mga makawalang gerilya. An saiyang mga suportador totoo sinasabing mayong pilian si Rios Montt kundi magin maisog asin maringis ta an nasyon natutunaw huli sa makuring gera sibil nangyayari kan panahon na idto.

Duwang Truth Commision, an saro nagpaluwas kan inapod na RENHI Report, na pig'amaan kan Simbahan Katoliko, asin an ikaduwa sa inapod na CEH Rreport, na an nagpadrino iyo an Pinagsarong mga Estado (UN) nagdokumentar kan mga lakopan na pag'aabuso sa katanosan pangtawo na nakomiter kan renhimen militar ni Rios Montt.

May mga lakdang na siya paatubangon sa mga kaso huli sa mga paglalapas na ini sa katanosan pangtawo alagad may inmunidad siya ta may katongdan opisyal na kapot siya. Sa eleksyon kan Septyembre 9, 2007, siya guminana asin iyo an namoon kan partido niya sa 15-myemvbro na lehislatura. Kan Enero 14, 2012, nagtapos na an pagkapot niya sa pwesto bilang presidente. Kan Enero 26, 2012, pigsangatan siya nin mga kaso. Naghagad siya nin inmunidad alagad kan Marso 1, 2012, an sarong huwes pigsayumahan an kahagaran niya. Huli kaini, napadagos an mga kaso laban saiya asin siya yaon sa pagbibista dawa totoo pinapiyansa siya orawang binibista.

Mga panluwas na takod

Toltolan

Sarong tamboan an artikulong ini. Makakatabang ka sa Wikipedia sa pagpoon kaining pahina.