El Imparcial
An El Imparcial sarong peryodikong minukna kan 1918 sa Puerto Rico. Ini aldawan kun magluwas, maliban kun Domingo. An bilog na pangaran kan dyaryo El Imparcial: El diario ilustrado de Puerto Rico.
An El Imparcial binuhay liwat kan 1933 sa liderato ni Antonio Ayuso Valdivieso. Kan mga 1980 binakal ini ni Miguel A. Garcia Mendez. An opisina mayor kaini natomtom huli sa arson na sarong akto nin pagsabotahe pulitika. Nakabawe man kuta alagad dikit na sana an mga emplyeado. Dangan an gobyerno pigembargo an edipisyo kun saen an peryodiko nag'oopisina. An ultimong isyu kan peryodiko petsado 28 Pebrero 1973 ((Año 38, núm. 14,210). Alagad, an La Casa de la Herencia Cultural Puertorriqueña sa Nweba York may edsyon na poon Pebrero 22 abot Marso 21, 1979. Pagtiklop kaini, kadaklan kan mga emplyeado nagbilog nin bagong peryodiko pangaran El Vocero na an soboot kan iba iyo an kadagosan kan El Imparcial.
Kan 2016, si Ferdinand G. Aponte Rivera nagmukna nin online edisyon kan El Imparcial sa pagromdom kan peryodiko. An bagong "El Imparcial" may mga bagong seksyon: Politika, Panahon, Gobyerno, Krimen asin dakul pang iba.
