Eleanor Hallowell Abbott
| Eleanor Hallowell Abbott | |
|---|---|
 | |
| Minundagan | Septyembre 22, 1872 Cambridge, Massachusetts |
| Kagadanan | Hunyo 4, 1958 (edad 85) Portsmouth, New Hampshire |
| Kasibotan | Awtor |
| Nasyunalidad | Amerikano |
Si Eleanor Hallowell Abbott (Mrs. Fordyce Coburn) (Setyembre 22, 1872 – June 4, 1958) sarong binibistong awtor sa nasyon kan Amerika. Pirmi siyang nag-aambag sa The Ladies' Home Journal.
Agi-agi[baguhon | baguhon an source]
Namundag si Eleanor Hallowell Abbott kan Setyembre 22, 1872 sa Cambridge, Massachusetts.[1] Kabuhan si Abbott kan sarong clergyman na si Edward Abbott asin ni Clara (Davis), na nag-edit kan journal na Literary World; asin an makuapo kan notadong awtor na pang-aki na siJacob Abbott.[2] Nagdakula si Eleanor Hallowell Abbott na napapalibutan kan literatura asin kan religious luminaries huli sa saiyang ama asin lolo. Ini an nagin rason kun tano aram niya an mga bistadong mga tao sa literatura, arog ni Longfellow asin ini an nagdara saiya puon sa saiyang pagka-aki na magkaigwang pagkaaram asin magin relihiyoso.
Matapos magklase sa pribadong eskwelahan sa Cambridge, nagkua man siyang kurso sa Radcliffe College. Pagkatapos mag-adal, nagtrabaho siya bilang sarong sekretarya asin maestra sa Lowell State Normal School.[3] Digdi, nagpuon s;iyang magsurat nin mga rawit-dawit asin mga halipot na istorya, alagad an pagmidmid sa saiyang gibo masakit pang makua sa puon. Nagbago ini kan an Harper's Magazine kinua an duwa sa saiyang rawit-dawit na saiyang pinagalan. Ini an pinunan kan saiyang kapang-ganahan sa tolong premyo sa halipot na istorya na itinao kan Collier's asin kan The Delineator.[4]
Mga agi-agi asin karera sa literatura[baguhon | baguhon an source]
Kan 1908, ikinasal si Abbott ki Dr. Fordyce Coburn asin nagiba saiyasa Wilton, New Hampshire. Si Dr. Coburn sarong medical advisor kan Lowell High School asin nagtatabang sa saiyang agom sa saiyang mga sinururat. Matapos an saindang paglipat, nagkapirang mga binabasang magasin an kunua an saiyang mga ginibo para i-publikar. Duwa sa saiyang mga tula kinua kan Harper’s Monthly Magazine kan 1909. Nagpadagos siya nganing mai-publikar an setenta y singkong kalipot na istorya asin katorseng romantikong nobela. An "Being Little in Cambridge When Everyone Else Was Big" sarong awtobayograpiyang isinurat ni Abbott manungod sa saiyang pagkaaki sa Cambridge.[2]
Inistorya ni Abbott kun ano an saiyang istorya kan sliya aki pa, saro siyang matatakuton na tao, asin sa paagi kan saiyang mga panurat, malalampasan niya an saiyang sadiri. Ipinahiling digdi kun pano pakusogon an namamate asin emosyon sa paagi kan saiyang mga ginibo. An romance saro sa saiyang mga sinurat asin dawa na minsan an saiyang mga karakter nakakadanas nin pagsakit asin kakulugan, an kada saro sa saiyang nobela asin istorya nagtatapos sa maogmang konklusyon. An pangenot na karakter na saiyang ginamit mga hoben na babae na nagpapahiling nin marhay na pag-uugali, sensitibo, matinaram asin dakol nin kun ano-anong mga kahagadan na kabaliktadan kan kapareho nindang lalaki - tuninong, makusog at matibay sa sa mga pagsakit [5]
Nagtao si Abbott nin naiibang istilo asin obhetong maging natural asin orihinal. Nagsusurat siya na may makusog na pagsasatao asin makangalas na imahinasyon. Dai nag-tutugot si Abbot na ipaluwas an saiyang mga gibo kun dai nya ini mismong nasusunuan. An primero niyang kinukunsiderar mantang nag-susurat iyo an saiyang emosyon asin sadiring namamate.[6] Huli sa kakaibang istilong ini, dakol na kritiko an nagkomento na dawa na an saiyang mga gibo kamuya-muya pwedeng minsan mamatean na ini pini-pwersa. Sa ibong kaini, an mga gibo ni Abbott ipinahiling an pagtalikod sa kaisugan kan palibot kan New England na yaon sa lugar kan mga oras na ito.
Mayong aki si Abbott. Nawaran siyang buhay kan 1958 sa Portsmouth, New Hampshire.
An mga papel ni Eleanor Hallowell Abbott tiniripon kan The University of New Hampshire Library sa Milne Special Collections. An koleksyon naglalaog nin mga typescripts kan halipot na istorya ni Abbott.[3]
Mga pili na gibo[baguhon | baguhon an source]
- Molly Make-Believe 1910
- The Sick-a-Bed Lady (and other tales) 1911
- The White Linen Nurse 1913
- Little Eve Edgarton 1914
- The Indiscreet Letter 1915
- The Ne'er Do Much 1918
- Love and Mrs. Kendrue 1919
- Old-Dad 1919
- Peace on Earth, Good-will to Dogs 1920
- Rainy Week 1921
- Silver Moon 1923
- But Once A Year: Christmas Stories 1928
- Being Little in Cambridge when Everyone Else was Big 1936
Kinua sa pelikula[baguhon | baguhon an source]
- Molly Make-Believe, directed by J. Searle Dawley (1916, based on the novel Molly Make-Believe)
- Little Eve Edgarton, directed by Robert Z. Leonard (1916, based on the novel Little Eve Edgarton)
- Old Dad, directed by Lloyd Ingraham (1920, based on the novel Old Dad)
Toltolan[baguhon | baguhon an source]
- ↑ Ehrlich, Eugene and Gorton Carruth. The Oxford Illustrated Literary Guide to the United States. New York: Oxford University Press, 1982: 37. ISBN 0-19-503186-5
- ↑ 2.0 2.1 "Eleanor Hallowell Abbott". Cambridge Women's Heritage Project. City of Cambridge, MA. Archived from the original on August 27, 2019. Retrieved September 8, 2012.
- ↑ 3.0 3.1 "Eleanor Hallowell Abbott (1872-1958)". Library Special Collections. University of New Hampshire. Archived from the original on July 9, 2010. Retrieved September 8, 2012.
- ↑ HAMBLEN, ABIGAIL ANN. "Abbott, Eleanor Hallowell." American Women Writers: A Critical Reference Guide from Colonial Times to the Present: A Critical Reference Guide from Colonial Times to the Present. Ed. Taryn Benbow-Pfalzgraf. 2nd ed. Vol. 1. Detroit: St. James Press, 2000. 2. Gale Virtual Reference Library. Web. 11 Dec. 2014.
- ↑ HAMBLEN, ABIGAIL ANN. "Abbott, Eleanor Hallowell." American Women Writers: A Critical Reference Guide from Colonial Times to the Present: A Critical Reference Guide from Colonial Times to the Present. Ed. Taryn Benbow-Pfalzgraf. 2nd ed. Vol. 1. Detroit: St. James Press, 2000. 2. Gale Virtual Reference Library. Web. 11 Dec. 2014.
- ↑ Overton, Grant Martin (1918). The Women Who Make Our Novels. Moffat, Yard & Company. p. 331.
eleanor hallowell abbott autobiography.
Hilnga pa[baguhon | baguhon an source]
- Browning, D. C.; Cousin, J. W. (1969). Everyman's dictionary of literary biography. London: J.M. Dent & Sons.
