Elias Holl

Elias Holl

An Munisipyo kan Augsburg

Sa harong ni Holl

Si Elias Holl (28 Pebrero 1573 sa Augsburg – 6 Enero 1646 sa Augsburg) iyo an pinakaimportanteng arkitekto kan kahurihan nin Aleman na Renasimyentong arkitektura.

Buhay

Si Elias Holl namundag sa Augsburg, Werbhausgasse 2. Siya guminikan sa mga paro-pandayon na pamilya. An ama niyang si Hans Holl (1512-1594) iyo an nagtukdo saiya. Kan 1596 nakapasar siya sa eksamen, an Meisterprüfung. Pakapag palipas niya nin oras sa Tyrol asin Italya kan mga taon 1600/1601 – pigbisita niya an Bozen asin Venice – kan 1602 nangagin siyang Werkmeister nin Augsburg. Kan 1629 nawara saiya an katongdan komo Stadtbaumeister huli ta siya sarong protestante. Poon kaidto inaapod na lang siyang Stadtgeometer. Hinaklas siya sa pwesto kan 1631. Siya nakalubong sa Sementeryong Protestante nin Augsburg.

Mga hinaman na edipisyo

Siya an arkitekto asin tagapatugdok kan landmark nin Augsburg: an Munisipyo nin Augsburg. Dakul pang mga edipisiyo sa Augsburg an mga proyekto niya: Zeughaus (1602-1607), Wertachbrucker Tor (1605) Stadtmetzg (1609), St.-Anna-Gymnasium (1613), pagsu'yab sa Perlachturm (1614-1616) asin kan Heilig-Geist-Spital (1626-1631) (yaon igdi an Augsburger Puppenkiste)

Kataytayan nin mga ladawan

• 
  Zeughaus sa Augsburg, pigdesenyo ni Elias Hol
• 
  An Munisipyo kan Augsburg
• 
  Blick auf die Willibaldsburg
• 
  Catholic pilgrimage church
• 
  St. George Church
• 
  Facade of the historic town butcher's shop

Mga panluwas na takod

• Elias Holl on augsburg.de