Elisabeth Bohm

Si Elisabeth Böhm kaiba an saiyang agom na si Gottfried, 2009

Sibiko sentro, Bergisch Gladbach-Bernsberg (1962-67)

Si Elisabeth Böhm née Haggenmüller (18 Hunyo 1921, in Mindelheim – 6 Septyembre 2012) sarong arkitektong Aleman. Kaiba parati sa mga proyektong ginigibo kan saiyang agom na si Gottfried Böhm, siya nagpartisipar sa pagdesenyo kan dakul na proyekto orog na kan mga sa interior.

Biograpiya

Si Elisabeth Böhm nag'adal arkitektura sa Technical University Munich kun saen nanumpongan niya si Gottfried Böhm na saiyang naagom kan 1948. An saiyang agom iyo na an nagpadagos kan negosyo sa arkitektura sa Cologne kan saiyang ama na si Dominikus Böhm na nagadan kan 1955. Dati si Elisabeth sa harong lang nagsisibot sa pag'asikaso kan saindang apat na aki asin bihira magpa'opisina. Alagad nagin nang aktibo sa pagimbwelto sa mga trabaho sa arkitektura. Mala ta siya na nagparaisip kan mga plano sa proyektong pagpapaharong. Maoonambitan an saiyang mga desenyo sa interior kan kastilyo nin Godesburg, haraning Bonn (1959), an sa Bensberg duman sa Bergisch Gladbach (1969) asin an mga modernong rebisyon idinugang sa Kauzenburg Castle haraning Bad Kreuznach kan mga 1970. Siya man an nagdensenyo kan pabilog na balkon kan pinahiwas an Tetro Stuttgart taon 1984.