Els Segadors

Gikan sa Bikol Sentral na Wikipedia, an talingkas na ensiklopedya
Maglukso sa: paglibotlibot, hanapon
An wagayway kan Katalunya asin man kan antigong Korona nin Aragon
Tono asin kanta kan himno nasyonal

An Els Segadors (Eastern Catalan: [əɫs səɣəˈðos], Western Catalan: [eɫs seɣaˈðos]; "An Paraani") iyo an opisyal na kanta nasyonal kan Katalunya, saro sa autonomong komunidad kan Espanya.

Sinasabi sa tradisyon na an orihinal kaining kanta nabalik pa kan 1640, alagad an modernong letra kaini ginuhit ni Emili Guanyavents na nanggana sa kompetisyon inamaan kan Partido pulitikal na Unió Catalanista kan 1899. An musika sinarama asin pinakarhay kaini ni Francesc Alió kan 1892. An awit ibinatay sa mga pangyayari kadtong taon 1640 na inapod Corpus de Sang durante kan Tolong Polong Gera (1618-1648) sa pag'oltan kan Espanya, Inglatierra, Pransya asin Austriya, na an gerang ini iyo an nagsabrit kan Rebelyon Katalan o Guerra dels Segadors (Gera nin mga Paraani) kun saen an mga Katalan naglaban kontra ki Duke Olivares, an pamayong ministro ni Hadeng Felipe IV kan Espanya. [1]

Retrato ni Francesc Alió

Pirang dekada na de facto ginagamit kan gobyerno Katalan, inadoptar na padagos an "Els Segadors" komo iyo an kanta o himno nasyonal kan Katalunya kan 25 Pebrero 1993 sa ri'gon kan akta nin parlamento. An bersyon na opisyal ginibo kan 1994. An bagong Estatuto nin Autonomiya kan Katalunya 2006 orog na pinasarig an siring na desisyon sa artikulo 8.4.

Durante kan Tolong-polong Gera, an Katalunya nagdeklara nin katalingkasan asin naglitik sa monarkiya Espanya sa enot na pangyari, asin nagin protektorado kan Pransya. Alagad, katapos-taposi nawara kaini an Norte Catalonia a pabor sa Pransya sa Tratado kan Pyrenees na pinagpirmahan kan Pransya asin Espanya kan 1859.[2]


Mga letra asin tingog kan kanta[liwaton | liwaton an gikanan]

Original version of Els Segadors,
by the Orfeó Català, c. 1900
Els Segadors (Catalan)
Catalunya triomfant,
tornarà a ser rica i plena.
Endarrera aquesta gent
tan ufana i tan superba.
Tornada:
Bon cop de falç!
Bon cop de falç, defensors de la terra!
Bon cop de falç!
Ara és hora, segadors.
Ara és hora d'estar alerta.
Per quan vingui un altre juny,
esmolem ben bé les eines.
Tornada
Que tremoli l'enemic,
en veient la nostra ensenya.
Com fem caure espigues d'or,
quan convé seguem cadenes.
Tornada
An Paraani (Palis sa Bikol[3])
Katalunya trayumpo
liwat magin mayaman asin dagya'.
I-alaw mga mananakop,[4]
Na mga paabaw-abaw, mga arogante.
Koro:
Igapas nindo an asyab!
Igapas nindo an asyab!, mga parasurog kan banwa!
Igapas nindo an asyab!
Ngonyan na an oras, mga paraani.
Ngonyan na an oras na kita magpuka.
Ta pag'abot kan sunod na Hunyo,[5]
Taison tang gayo satong tarom.
Koro
Magtakig nanggad an kaiwal,
pakahiling kan satong wagayway.
Kan satuyang kinakarit an trigo,
Sa oras kinaipo satong utason an talikala.[6]
Koro

Toltolan[liwaton | liwaton an gikanan]

  1. [1] www.barcelonas.com. Kinua 099-25-17
  2. [2] www.barcelonas.com. Kinua 09-=25-17
  3. pinalis sana sa kahulogan batay sa Iningles kaini, dai pig'ayog sa tono
  4. "Mga mananakop" an mga kagsakop kan banwang Katalan, na kadtong panahon nagsakyada sa Katalunya
  5. the Segadors Revolt an kanta tinutumoy an pag'alsa nangyari kan Hunyo.
  6. An Catalan sa orihinal—seguem—hale sa kapu'ngolan kan segadors; tatarason ninda an uhoy siring sa pag'utas kan kadena.