Jump to content

Emblema kan Tailandya

Gikan sa Bikol Sentral na Wikipedia, an talingkas na ensiklopedya
Baryant na may mahiwas na pakpak (dinisplay kan sarong firm dara an Royal warrant)

An nasyunal na emblema kan Tailandya (Thai: ตราแผ่นดินของไทย) pig-aapod na พระครุฑพ่าห์ (RTGS transcription: Phra Khrut Pha; "Garuda bilang iyo an lunadan" (ni Vishnu)). An Garuda inadaptar bilang opisyal na nasyunal na emblema ni Vajiravudh (Rama VI) kaidtong 1911. Minsan siring, an mistikal na linalang nagin simbolo kan royalty kan Tailandya sa mga siglo. Piglaladawan an Garuda sa mga selyo, na piggagamit kan Hade asin kan Gobyerno kan Tailandya sa pag-authenticate kan mga opisyal na dokumento asin bilang saiyang pangenot na emblema.

An Garuda iyo an mitolohikal na linalang kan tradisyon na Hindu asin Buddhista. Segun sa mitolohiyang Hindu, an Garuda iyo an vahana (lunadan) kan dios na si Vishnu (Narayana). Nagtotobod an mga suanoy na mga hade kan Tailandya sa diosnon na paghahade, asin pigkokonsiderar ninda an saindang mga sadiri na inkarnasyon kan dios na si Narayana. Kaya baga, an Garuda nagin simbolo kan diosnon na poder asin awtoridad kan hade.

Pigtatampok man an Garuda sa nasyunal na eskudo kan Indonesya asin sa emblema kan syudad nin Ulaanbaatar.

Toltolan[baguhon | baguhon an source]