Emelina Regis
| Emelina Gagalac Regis | |
|---|---|
| Nasyunalidad | Pilipino |
| Trabaho | Direktor kan Departmento kan Digital Illustration and Animation sa Ateneo de Naga na Unibersidad, Syudad nin Naga, Filipinas |
| Mga notableng gibo | Dalawang Dula ni Clarissa sa Ecolohiya (1993); Mga Dula, Awitin at Tula sa Ekolohiya at Kapaligiran (1996) |
Si Emelina Gagalac Regis sarong premyadong kagubay na Bikolanang parasurat[1] asin iyo an direktor kan Departmento kan Digital Illustration and Animation sa Ateneo de Naga na Unibersidad, Syudad nin Naga, Filipinas. Dati niya man na kinaptan an Institute for Environmental Conservation and Research (INECAR) sa parehong unibersidad.
Nakamtan ni Regis an titulong Doktor kan Pilosopiya sa Environmental Science kan 1999 kun sain an saiyang disertasyon iyo an Pollen grain abortion as indicator of mercury pollution near gold mining sites in Camarines Norte.[2] Siya sarong propesor sa Biolohiya sa Ateneo de Naga na Unibersidad.
Siya nagsurat nin duwang libro nin drama pan-entablado sagkod nagkapirang pagsaligsig. Ipinublikar an panurat niya an Dalawang Dula ni Clarissa sa Ecolohiya (1993) kan New Day Publishers asin Mga Dula, Awitin at Tula sa Ekolohiya at Kapaligiran (1996) kan PLAN International Bicol asin Ateneo de Naga Eagles, sa Syudad nin Naga.[3][4] Kaiba si Marietta Labra-Espina asin Ma. Yvainne Y. Yacat, isinurat ninda an The Pasig River Caring for a Dying Ecosystem (2001) na ipinublikar kan Pasig River Rehabilitation Commission sa irarom kan Opisina kan President, Republika kan Filipinas.[5] Bago kan mga ini, si Regis nagawadan nagawadan sa Gawad Pagromdom ki Carlos Palanca para sa Literatura kan 1992 huli sa saiyang dula sa Filipino na may titulong Dalawang Mukha ng Kagubatan.[6]
Kan 2019, saro si Regis sa limang mga parasurat na resipyente kan Gawad Taboan na iginawad sa ika-10ng Taboan National Writers Festival sa Sentral na Bikolnon na Unibersidad nin Estado kan Agrikultura (CBSUA) sa Pili, Camarines Sur.[7]
Toltolan[baguhon | baguhon an source]
- ↑ "Emelina Gagalac Regis". goodreads.com. Retrieved March 28, 2020.
- ↑ "Regis, Emelina Gagalac". koha.nlp.gov.ph. Retrieved March 28, 2020.
- ↑ "Dalawang Dula ni Clarissa sa Ecolohiya (1993)". goodreads.com. Retrieved March 28, 2020.
- ↑ "Regis, Emelina Gagalac". philippineperformance-repository.upd.edu.ph/. Retrieved March 28, 2020.
- ↑ "The Pasig River Caring for a Dying Ecosystem". books.google.com.ph. Retrieved March 28, 2020.
- ↑ "Dalawang Dula Ni Clarissa Sa Ecolohiya: Ecology As Literature As Counterideological Discourse". ejournals.ph/. Retrieved March 28, 2020.
- ↑ "5 Bicol literary writers to be honored in nat'l festival". newsinfo.inquirer.net. October 6, 2019. Retrieved March 28, 2020.
