Emilia Boncodin

Si Emilia Boncodin

Emilia Tabalanza Boncodin (Iriga, Mayo 25, 1954 – Quezon City, Marso 15, 2010) sarong Filipinong accountant, profesor, asin serbidor sa gobyerno. Siya nagin Sekretaryo kan Departamento nin Badyet asin Pagmaneho sa irarom kan pagkapresidente ni Gloria Macapagal-Arroyo. Siya nagin sarong profesor sa Unibersidad kan Pilipinas partikularmente sa Philippines National College of Public Administration and Governance (UP-NCPAG) sagkod na siya nagadan na kan taon 2010.

Si Boncodin sarong kaapil sa inapod na Hyatt 10, sarong grupo nin mga opisyal sa Gabinete na nagbutas sa saindang katongdan kan taon 2005 sa tahaw kan kontrobersya kan "Hello, Garci", sarong makuring eskandalo na nagputok asin naglamasa sa administrasyon ni Arroyo.

Buhay personal asin pag'adal

Si Boncodin nagtapos valedictorian sa elmentarya kan Iriga City Central School, namomogtak sa syudad nin Iriga kun saen siya namundag. Dangan valedictorian naman sa pagtapos niyang sekundarya sa St. Anthony College na yaon sa Iriga man. Kinua niya an Bachelor of Science in Business Administration and Accountancy sa Unibersidad kan Pilipinas, College of Business Administration kan 1975 asin nagpwestong ika-15 sa CPA Certified Public Accountant Board Examinations kan taon na idto.

Nakamit niya an Master in Public Administration sa John F. Kennedy School of Government sa Harvard University bilang sarong Edward S. Mason Fellow.

Mga onra

• 1978 - Most Outstanding Technical Employee (Department of Budget and Management (DBM))
• 1981 - Most Outstanding Division Chief
• 1982 - Outstanding Alumna, UP College of Business Administration
• 1995 - Outstanding Women in Nation's Service Awardee
• 1996 - Dwight Eisenhower Fellow

Mga ginunoan

• Former Budget chief Boncodin dies - sa GMA News via Yahoo! News (Philippines)
• Former Budget chief Emilia Boncodin, 55 Archived 2012-06-09 at the Wayback Machine. - haleng Manila Times
• Ex-budget chief Boncodin dies - haleng websayt kan ABS-CBN News