Emilio M. Tible

An estatuwa ni Emilio M. Tible sa banwaan nin Calabanga

Si Hon. Emilio M. Tible (iminundag: Disyembre 6, 1899; Agosto 14, 1957) saróng edukador, abugado, estadista asin lumberman na taga Calabanga, Camarines Sur. Kan eleksyon Nobyembre 8 1949, siya nagdalagan bilang representante sa enot na distrito asin siya nanggana.

Si Tible nagtukaw sa duwang turno komo Kongresista sa Ika-2 Kongreso kan Filipinas (1949 - 1953) asin sa Ika-3 Kongreso (1953 - 1957).

Biograpiya

Namundag si Tible sa Quipayo, Calabanga, Camarines Sur. Aki siya nina Prudencio C. Tible asin Basilla Mendoza-Tible.

Nag-eskwela siya sa sarong probinsiyal na eskwelahang pansekondarya sa Camarines Sur dangan nagtukdo nin duwang taon sa eskwelahanpan-elementarya kan Calabanga. Nin huli ta sa dai siya kontento sa pagigin simpleng paratukdo, naglaog siya sa Kolehiyo kan Liberal na Arte kan Nasyunal na Unibersidad na kun saen nakua niya an titulo kan Assiociate in Arts. Dai naghaloy, nagduman siya sa Eskwelahan nin Ley kan Filipinas na kun sain duman siya naggraduwar na may digri kan Bachelor of Laws. Nin huli ta naipasa niya an bar, nagin matrayumpo dangan prominenteng abogado siya. Nagin bantog siya sa legal na lado kan ini nanggana sa sarong kriminal na kaso sa saro sa mga makinang na abogado kan nasyon na ngunyan, sarong senador.

Dai lang klasipikado si Tible sa mga pig-aapod na abogados de campanilla, alagad saro man siyang paraprodyuser nin lumber. sa totoo kaini, siya saro man miyembro kan eksklusibong Manila Hoo-Hoo Club na sarong praternal na sosyodad nin mga lumberman, alagad saro siya sa lumberman na mayong sadiring harong. Kan siya nasa Manila, nagrenta siya nin sadit na apartment sa 1129-E Dakota, Malate na kun sain duman siya nag-irok. An saiyang ginikanang-lugar, an huring-harong kan saiyang ina na sa ngunyan yaon sa saiyang mga tugang na babae.

Mga panluwas na takod

• Opisyal na direktibo