Emmeline Pankhurst

Gikan sa Bikol Sentral na Wikipedia, an talingkas na ensiklopedya
lady seated in chair
Emmeline Pankhurst

Si Emmeline Pankhurst (pinangaki bilang Emiline Goulden; 15 July 1858 – 14 June 1928) sarong Briton na aktibistang politikal asin katabang kan paghiro kan British suffragette na nag ayuda sa mga babayi na makaboroto .Kan 1999, an Time ginawadan si Pankhurst bilang saro sa 100 Most Important People of the 20th Century, kun sain sinasabing "tinabangan niya magkaigwa nin imahen an mga babayi kan panahon niya; dinara niya an sosyodad sa sarong paghiro na dai na nin hihirahon pa sa mga maarabaot na panahon." Siya derektamenteng pigtuyaw huli sa saiyang "military tactics", asin man an mga historyador dai minauyon sa kun pano ini nagin epektibo, alagad an saiyang mga nahaman binibisto bilang dakulang elemento tangani na makua kan mga babayi an karapatan sa pagboto sa United Kingdom.


Ipinangaki sa Moss Side, Manchester, sa mga magurang na aktibo sa politika, si Pankhurst pigtukduan manungod sa "Women's Suffrage Movement"sa edad na 14. Pigpundar niya an Women's Franchise League na igwa nin adbokasiya na makaboto an mga may agom pati naman an daing mga agom na babayi. Kan marumpag an organisasyon, pinulbaran niya na mag-ayon sa Independent Labour Party sa paagi kan pakikiiba sa socialist na si Keir Hardie alagad dai saiya itinao an pagigin myembro huli sa saiyang sekswalidad. Mantang nagtatrabaho sa Poor Law Guardian, dai niya hunaon an mga maraot na sitwasyon sa mga workhouses sa Manchester.


Kan 1903, pinundar ni Pankhurst an Women's Social and Political Union (WSPU), sarong grupo nin mga kababaihan na igwang adbokasiya sa pagboto. Namidbid an grupo bilang independyente asin minsan pa na pirming kontra sa mga partido politikal. Nagin bantog ini huli sa saindang mga pisikal na maray na mga komprontasyon: an mga myembro kaini nanbuburungag nin bintana asin nangungulog o nantatakot nin mga kapulisan. Si Pankhurst, kairiba an saiyang mga aki, pati na an mga myembro kan WSPU nakaresibe nin pauro-utrong senstensya sa karsel, kun sain sinda nagkokonduktar nin hunger strikes tangani ni matawan nin mas maray kuta na kamugtakan, alagad an gabos na ini napupuli sa pwersahan na pagpapakakan.