Engilene Cris Buensalida

Si Engilene Cris Q. Buensalida sarong kagubay na Bikolanang parasurat. Pinangaki siya sa San Jose, Batangas kan Abril 27, 2001. Aki siya nina Maria Cristina Quilao asin Eduardo Buensalida. Ika-duwa siya sa apat na magturugang asin nakaistar siya ngunyan sa Balombon, Calabanga, Camarines Sur.

Edukasyon

Kan 2019, nagtapos siya kan saiyang Senior High School sa Sentral na Bikolnon na Unibersidad nin Estado kan Agrikultura (CBSUA) - Calabanga. Saro siya sa inot na batch kan strand na Humanities and Social Sciences sa nasabing eskwelahan.

Nagraduar man siya kan taon 2023 sa kursong Bachelor of Science in Fisheries sa Sentral na Bikolnon na Unibersidad nin Estado kan Agrikultura (CBSUA) - Calabanga kun sain nakaresibi siya nin award na Cum Laude asin Service Award for Culture and Arts asin naipasar man niya an Licensure Examination for Fisheries Professional kan Oktobre 2023.

Organisasyon

Kan siya nagkaklase pa sa Sentral na Bikolnon na Unibersidad nin Estado kan Agrikultura (CBSUA) - Calabanga dakol siyang nabalihan ning mga organisasyon.

Kan 2019, nagin miyembro siya kan The Writer's Project na sarong organisasyong kultural sa CBSUA-Calabanga para sa mga may muya sa pagsurat.

Nagin founding president siya kan Fisheries Students Association of CBSUA (FSAC) kan 2020 asin nagin miyembro kan Christ's Youth in Action (CYA).

Saro man siya sa nagin maswerteng iskolar kan Save a Tahanan Incorporated (STMC) na naipundar ni Roselli Falcon kan taon 1994.

Mga Writers Workshop

Nagin katood siya sa ika-apat na edisyon kan The Writer's Project (TWP) kan taon 2017.

Nagin saro man siya sa kagtulong mga katood na parasurat sa Saringsing Bikol Writers Workshop, an ika-siyam na edisyon kan hunglonan nin pagsurat kan Abril 22 hanggang 27 kan taon 2019. Nakaiba niya sina Mahalina J. Alanib (Bulan, Sorsogon), Roxanne E. Berido (Syudad nin Naga), Engilene Cris Q. Buensalida (Calabanga, Camarines Sur), Princess Carmela P. Casa (San Jose, Camarines Sur, Ronnie N. Cerico (San Andres, Catanduanes), Alexander Yvan P. Fernandez (San Andres, Catanduanes), Jose Antonio B. Moran (Syudad nin Tabaco, Albay), Paul John C. Padilla (Virac, Catanduanes), Donna Mae N. Ramirez (Virac, Catanduanes), Roselle M. Templonuevo (Baras, Catanduanes), Dave S. Tolentino (Virac, Catanduanes), asin Francis B. Tolero (Caramoran, Catanduanes).

Publikasyon

Saro siyang parasurat nagkaigwang hilig sa pagsurat nin rawitdawit asin rikas usipon. Ki Edwin Breva Jr. niya nahiling an mata kan sarong parasurat na iba kumpara sa mga mata kan normal na tao. Pinasubli ni Edwin Breva Jr. an mata kan sarong parasurat na nagwalat saiya nin dakulang kontribusiyon bilang saro man na parasurat ngunyan.

Bago magin sarong bikolanang parasurat, nagkaigwa man siya nin kadipisilan magpuon magsurat nin huli ta tubo siyang Batangas. Nasakitan siyang makatuod sa lengguáhe nin Bikol ta Tagalog an dinakulaan niyang tataramon. Pero dae ini nagin kaulangan para magin Bikolanang parasurat siya.

Naipublikar an saiyang rikas usipon na pinamagatan niyang "Mga Puting Buhok ni Mama" sa Anthology Kalimbahin: Mga Dagling Sinulat ng mga Kababaihan by the 7 Eyes Productions kan 2021. An saiya man na inot na ginibong zine na pinamagatang "IBE" nailuwas man sa Artevize Expo kan Pebrero taon 2023.

Pinagkakaabalahan

Sinabi ni Engilene Cris Q. Buensalida na siya ngunyan "naglalakaw nin nakaduko sa mga pasang salming mantang tig-aaninag an sadiri sa mga baak na repleksyon; uruatsan matubog sa tubig alat miski makulugan, makanuod lang na magtindog asin maglangoy na dai minamati an kulog asin an kasakitan kan buhay. Dai man makahirak ta ugma siyang mabuhay na bua miski itsurang normal na tawo. Maugma siya na naging bua."