Epifanio de los Santos

Gikan sa Bikol Sentral na Wikipedia, an talingkas na ensiklopedya
Si Epifanio de los Santos

Si Epifanio de los Santos y Cristobal (Abril 7, 1871 - Abril 18, 1928) sarong Filipinong historyador asin patriota, abogado, kritiko literaryo, pintor, musiko, hurista, peryodista, asin maigot na kolektor nin mga antique. Nagin siyang direktor kan Philippine Library and Museum kan taon 1925 hanggan 1928.

Siya nagin gobernador kan Nueva Ecija kan panahon na gobernador sibil kan Filipinas si William Howard Taft. Siya kaapil man sa Partido Federal.[1]

An Epifanio de los Santos Avenue (bisto sa apod na EDSA), sarong mayor na tinampo sa Metro Manila ipigngaran saiya sa pag'onra asin pagromdom kan saiyang mga naginibohan. Magkapirang paadalan, mga kalye, sarong kolehiyo, sarong ospital, an mga ipigngaran na saiya. Igwa man nin auditorium sa National Library nakapangaran saiya.

An pangaran niya kun ipalis haleng Kastila boot sabihon "Kamundagan nin mga santo kun saen nagdadanay si Kristo."

Mga panluwas na takod[baguhon | baguhon an source]

Ginunoan[baguhon | baguhon an source]

  • Retrato ni Epifanio de los Santos sinapi' sa saray kan National Library kan Filipinas sa maboot na pagtugot ni Mr. Narciso Cruz, an hepe kan Special Division, Filipiniana Section.

Toltolan[baguhon | baguhon an source]

  1. La Democracia, Negrense Museum, Bacolod City