Estadistika

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
An normal na distribusyon, sarong bistadohong probabilidad na densidad, na iyo nagagamit huli sa sentral na limitasyong teyorema (central limit theorem).

An estadistika (Ingles: statistics) iyo an disiplina na dapit sa koleksyon, organisasyon, analisis, interpretasyon, asin presentasyon nin mga datos.[1][2][3] Sa pag-aplikar kan estadistika sa sarong siyentipiko, industriyal, o sosyedad na problema, kumbensyonal an magpoon sa sarong populasyong estadistika o sarong modelong estadistika na aadalan. An mga populasyon pwedeng dibersong grupo nin katawohan o bagay arug kan "gabos na tawo na nag-eerok sa nasyon" o "kada atomo na minabilog sa kristal". An estadistika iyo dapit sa gabos na aspeto nin mga datos, kabali na an pagplano kan pagkolekta nin datos sa paagi kan disenyo nin mga surbey asin eksperimento.[4]

Kapag an datos nin sensus dae makolekta, an mga estadistiko minakolekta nin datos sa paagi nin paghaman nin ispesikpikong disenyo kan eksperimento asin mga sampol kan surbey. An mga representatibong pagsampol iyo nagpapahiling na an mga imperensya asin konklusyon pwedeng mapahiwas nin may rason gikan sa sampol pasiring sa bilog na populasyon. An eksperimentong pag-aadal iyo kabali an pagkua nin sukol kan sistema na yaon sa irarom nin pag-aadal, pagmanipula kan sistema, asin dagos an pagkua nin dugang na mga pagsukol gamit an kaparehas na paagi para maaraman kun an manipulasyon iyo naliwat an halaga kan mga pagsukol. Sa kontrasto, an obserbasyonal na pag-aadal iyo dae kabali an eksperimental na manipulasyon.

Panluwas na takod[liwaton | liwaton an gikanan]

Toltolan[liwaton | liwaton an gikanan]

  1. "Oxford Reference". 
  2. Romijn, Jan-Willem (2014). "Philosophy of statistics". Stanford Encyclopedia of Philosophy. 
  3. "Cambridge Dictionary". 
  4. Dodge, Y. (2006) The Oxford Dictionary of Statistical Terms, Oxford University Press. ISBN 0-19-920613-9