Estrella Alfon
| Estrella Alfon | |
|---|---|
| Kamundagan | Hulyo 18, 1917 Cebu, Islas Filipinas |
| Kagadanan | Desyembre 28, 1983 (edad 66) |
Si Estrella D. Alfon (Hulyo 18, 1917 - Disyembre 28, 1983) sarong Pilipinang parasurat sa tataramon na Ingles. Nakamtan niya an AA degree sa Unibersidad kan Pilipinas asin myembro man siya kan UP Writers Club.
Personal na buhay[baguhon | baguhon an source]
Si Estrella Alfon namundag sa Syudad nin Cebu kan 1917. An saiyang mga magurang mga paratinda nin sapatos.[1] Nag-eskwela siya nin medisina sa kolehiyo. Nagdemitir siya sa saiyang pag-eskwela kan hinunang igwa nin tuberculosis asin ipinadara sa sarong sanitarium. Siya tinawan nin degree na Associate of Arts.
Si Alfon nagkaigwa nin nagkapirang aki: Alan Rivera, Esmeralda "Mimi" Rivera, Brian Alfon, Estrella "Twinkie" Alfon, asin Rita "Daday" Alfon (nagadan na). An saiyang kangudan na aking babae sarong stewardess sa Saudi Arabian Airlines, asin kaiba sa Flight 163 crew kan Agosto 19, 1980, kan magkalayo ini mantang nasa biyahe kun kaya napiritan an eroplano na maghugpa sa Riyadh. An naatrasong pag-ebakwiar nagresulta sa kagadanan kan gabos na pasahero.
Si Alfon nagadan kan Disyembre 28, 1983, matapos an atake sa puso durante kan Manila Film Festival Awards Night.
Gawad[baguhon | baguhon an source]
- 1940: Sarong koleksyon kan saiyang mga amay na usipon, an "Dear Esmeralda," nanggana nin Honorable Mention sa Commonwealth Literary Award.
- 1961-1962: Apat sa saiyang mga dramang pan-entabladong may sarong tagbo na anas nanggana sa Arena Theater Writing Contest: "Loster Worers" (enot na premyo), "Strangers" (ika-2ng premyo), "Rice" (ika-3ng premyo), asin "Beggar" (ika-4 na premyo).
- 1961-1962: Nanggana kan pinakahalangkaw na gawad sa Palanca Contest para saiyang "Biling Patches of Many Hues."
- 1974: Ikaduwang lugar sa Palanca Award para sa saiyang halipot na usipon, an "The White Dresdens."
- 1979: National Fellowship in Fiction sa U.P. Creative Writing Center.
Si Alfon nanggana sa Palanca Awards nin nagkapirang beses:[2]
- Forever Witches, one-act play (Ika-3ng lugar, 1960)
- With Patches of Many Hues, one-act play (Inot na lugar, 1962)
- Tubig, One-act Play (Ika-2ng lugar, 1963)
- The Knitting Straw, one-act play, (Ika-3ng lugar, 1968)
- The White Dress, short story (Ika-2ng lugar, 1974)[3]
Reperensya[baguhon | baguhon an source]
- ↑ "Firefly, an anthology of Filipino women's literature in Finnish". www.filippiinit-seura.fi. Archived from the original on 2011-07-20. Retrieved 2020-06-07.
- ↑ "panitikan.com.ph :: Philippine Literature Portal". pantikan.com.ph. Archived from the original on 2007-09-21. Unknown parameter
|url-status=ignored (help) - ↑ Database, The Online R54 Information (2007-07-03). "The R54 Online Information Database: A bit about Estrella Alfon". The R54 Online Information Database. Retrieved 2020-06-07.
