Everardo Napay

Si Everardo Nery Napay sarong Bikolanong arkitekto, parasurat nin zarzuela, pintor, iskultor, musikero, kompositor, kolumnista asin choreographer. Nakamit niya an Batsilyer en Artes sa Arkitektura sa Adamson Universitry kan taon 1948 asin nagpraktis kan propesyon niya sa Legazpi nin 36 na taon.

Sa mga obra niya, kaiba diyan an Monumentong Pagromdom kan Ralaban sa Legazpi, an pagpakarhay kan munisipyo, asin kan Parke ni Rizal, asin an pagpatogdok kan saod publiko kan mga taon 1960. Gabos ini sa siyudad kan Legazpi nahaman. Si Napay nagtokda man, nagdirek nin sa mga zarzuela asin pageant. Yaon man sa kredito niya an pagsurat nin mga kanta asin himnong relihiyoso sa tataramon na Ingles asin Bikol.

Ginunuan

1. Papel kan programa kan "Omaw sa Oragon" pinaluwas kan Aquinas University kan Enero 27, 2010.