Falun Gong

Gikan sa Bikol Sentral na Wikipedia, an talingkas na ensiklopedya
Maglukso sa: paglibotlibot, hanapon
An logo kan Falun Gong

An Falun Gong (Ruweda nin Dharmang Praktis) sarong praktis espiritwal na Instsik na dungan sinasaro an gawe nin meditasyon asin ehersisyong qigong na batay sa pilosopiyang moral nagsesentro sa tolong prinsipyo: katohanan, pagmamakulog asin hanot ginhawa. An praktis tinata'wan doon an moralidad asin pagpatalubo nin birtud, asin nabibistong sarong praaktis qigong kan adal Budhismo alagad an mga katokdoan kaini guminuno man nin mga elemento hale sa tradisyon nin Taoismo. Paagi nin pagmamatanos sa pakikitrato asin pagpraktis nin meditasyon, an mga tagapraktis kaini minamawot na mahale sainda an sobrang pagkamoot sa mga bagay materyal, asin ultimamente makamtan an espiritwal na pagkagamiaw.[1][2]

An Falun Gong enot na itinokdo sa publiko sa Norte-subangan nin Tsina kan 1992 kan kagmukna kaini na si Li Hongzhi. Nagbutwa ini sa panahon nauso an pagpraktis nin qigong o mga ehersisyong meditasyon kun saen ini nahihiling sa luwayluway na paghiro sa pag'ehersisyo asin paghinangos na tantyado. Napalalaen ini sa ibang grupong qigong huli sa dai kaini paghagad bayad sa pag'ayon, daing aro-aldaw na pagsasamba, an maigot na pagpaorog sa moralidad asin an mga teolohikal na mga katokdoan kaini. An mga taga-Solnopan na mga akademiko hinihiling ini na sarong disiplinang qigong, sarong hiron espiritwal, pagpapatalubo sa sadiri, susog sa tradisyon kan mga soanoy na pagtubod sa Tsina, o bilang sarong pormang relihiyon intsik.[3]

Mga panluwas na takod[liwaton | liwaton an gikanan]

  • [1] Opisyal na websityo kan Falun Gong. Kinua 20-9-16.

Toltolan[liwaton | liwaton an gikanan]