Fikile Ntshangase

Gikan sa Bikol Sentral na Wikipedia, an talingkas na ensiklopedya
Jump to navigation Jump to search

Si Fikile Ntshangase (d. Oktobre 22, 2020) sarong Timog Aprikanong aktbistang pan-kapalibotan.

Pigkontra ni Ntshangase an pagpalakop kan minahan na pig-ooperara kan Tendele Coal harani sa Somkhele, sa probinsya kan KwaZulu-Natal , harani sa saiyang harong sa Ophondweni. Sya man an nanginginot na myembro kan Mfolozi Community Environmental Justice Organisation,[1]MCEJO, na naglaban sa pagpapahiwas kan minahan harani sa Hluhluwe-Imfolozi Game Reserve.[2]

Pira sa mga nasa komunidad, na sa tradisyon nakadepende sa pagpapastol dangan agrikultura, nagkakampanya sa pagpreserbar kan kakahuyan sa lugar, alagad pira sa mga myembros sa komunidad kaipuhan nin trabaho sa minahan kaya nagsuporta sa pagpapahiwas kaini, resulta nin dakulang kariribokan. Kan Abril,19 na bala an pigpaputok sa harong kan kontra-minahan na aktibistang si Tholakele Mthethwa.[2]

An mga lokal na harani sa minahan nagin biktima kan mga panggigipit asin biyolensya sa mga bulan na bago an kagadanan nin Ntshangase. An mga pamilya na nagkontra sa paghali sa lugar kan saindang pigmanang mga daga pigsabing binaradil man. Mga bandang 6;30 nin hapon kan 22 Oktubre 2020, base sa mga pulis, apat na mga kalalakihan an naglaog sa harong ni Ntshangase asin binadil gadan sya. 65 an saiyang edad kan sya magadan.[1]

An saiyang kagadanan parte kan nagpaparalangkaw na bilang kan mga ginadan na aktibistang pankapalibotan, sarong record sa kinaban kan taon 2019, basado man sa Global Witness report kan Hulyo 2020.[1]

Reperensya[liwaton | liwaton an gikanan]

  1. 1.0 1.1 1.2 Greenfield, Patrick (2020-10-23). "South African environmental activist shot dead in her home" (in en). The Guardian. http://www.theguardian.com/world/2020/oct/23/south-african-environmental-activist-shot-dead-in-her-home. Greenfield, Patrick (2020-10-23). "South African environmental activist shot dead in her home". The Guardian. Retrieved 2021-03-08.
  2. 2.0 2.1 Koko, Khaya (7 Nov 2020). "How we braved danger to honour Fikile Ntshangase". Mail & Guardian. https://mg.co.za/news/2020-11-07-how-we-braved-danger-to-honour-fikile-ntshangase/.  Sambiton an kasalaan: Invalid <ref> tag; name ":0" defined multiple times with different content