Finvenkismo

An Finvenkismo (English: Finvenkism) iyo an sarong ideolohiya sa laog kan hiroan kan Esperanto. Ginuno an ngaran gikan sa konsepto kan fina venko (Bikol: huring kapangganahan), pigtatawan kahulugan an momento kapag an Esperanto gagamiton bilang iyo an predominanteng ikaduwang tataramon sa bilog na kinaban. An sarong finvenkisto iyo an sarong tawong naglalaom para sa o nagtatrabaho pasiring sa "huring kapangganahan" na ini kan Esperanto. Susog sa ibang mga finvenkisto, an "huring kapangganahan" na ini kan Esperanto makakatabang na maibitaran an gera, chauvinism, asin kultural na opresyon. An eksaktong naturalesa kan pag-adoptar na ini (e.g., indibidwal vs pag-adoptar kan estado), asin kun ano an magigin kompwesto kan "huring kapangganahan" iyo an parating dai natatawan nin espesipikong paglaladawan.