Frédéric Bazille

Gikan sa Bikol Sentral na Wikipedia, an talingkas na ensiklopedya
Frédéric Bazille
Frédéric Bazille 004.jpg
Frédéric Bazille, Self-portrait, 1865–1866, oil on canvas, Art Institute of Chicago
KamundaganJean Frédéric Bazille
(1841-12-06)6 Desyembre 1841
Montpellier, Hérault, Languedoc-Roussillon, France
Kagadanan28 Nobyembre 1870(1870-11-28) (edad 28)
Beaune-la-Rolande, Pransya
NasyunalidadPranses
Midbid bilangPagpintura
PaghiroImpresionismo

Si Jean Frédéric Bazille (Desyembre 6, 1841 – Nobyembre 28, 1870) sarong Pranses Impresionistang pintor. Kadaklan kan ki Basille na mayor na trabaho ehemplo nin inapod na pigurang pagpintura kun saen ibinubugtak niya an pigpipintang pigura sa tahaw nin sarong pinintang ta'nawon en plein air.[1]

Buhay asin trabaho[baguhon | baguhon an source]

Studio in Rue de La Condamine, 1870, Musée d'Orsay, Paris. Sa mga amigo ni Bazille natampok iyo sinda Pierre-Auguste Renoir nakatukaw, asin si Édouard Manet kataid ni Bazille, na pininta niya sadiri na nagpipinta.[2]

Si Frédéric Bazille namundag sa Montpellier, Hérault, Languedoc-Roussillon, Pransya, sa sarong pamilyang mayaman nagnenegosyo sa mga arak. Si Bazille nagdakula sa Le Domaine de Méric, lugar na nagpoprodyusir nin arak sa Castelnau-le-Lez, haraning Montpellier, na pagrorogaring kan saiyang pamilya.[3] Nagin siyang interesado sa pagpintura kan madalan niya mga pininta ni Eugène Delacroix. An pamilya niya nag'uyon na siya mag'adal pagpinta, alagad basta siya mag'adal man nin medisina.[1]

Si Bazille nagpoon pag'adal sa medisina kan 1859, asin nag'isog sa Paris kan 1862 sa pagpadagos kan saiyang adal. Duman nasumpongan niya si Pierre-Auguste Renoir asin si Alfred Sisley, asin naengganyo siya sa pagpinturang Impresyonista; siya nagpoon nang magklase sa studio ni Charles Gleyre. Kan siya luminagpak sa eksamen niya sa medisina kan 1864, nagpoon na siyang magpintang todo. An mga kaugos niyang amigo iyo sinda Claude Monet, Alfred Sisley asin Édouard Manet. Si Bazille maluwag sa saiyang yaman asin nagtatabang sa mga tios niyang mga kairiba paagi nin pagtao nin espasyo na malugaran sa studio niya asin pati pagpagamit kan saiyang mga materyales.[1]

Si Bazille 20 pa sana kan napinta niya an magkapirang mga bantog na mga obra, kabali diyan an The Pink Dress (c. 1864, Musée d'Orsay, Paris). An pinturang ini pigsaro an pagpinta niya sa saiyang sobrina, Thérèse des Hours, na naaaninag sa likod kan nasasaldangan na kaumahan na saiyang pigmamasdan.[4] His best-known painting is Family Reunion of 1867–1868 (Musée d'Orsay, Paris).

Si Frédéric Bazille nagbali sa Zouave na regiment kan Agosto 1870, sarong bulan pagputok kan Gera Franco-Prusyano. Kan Nobyembre 28 kan taon na iyan, siya kaiba sa yunit sa Batalya sa Beaune-la-Rolande kan, an saiyang opisyal nalugadan, saiyang pigboot na magmando sa saiyang grupo na lusobon an posisyon kan mga Aleman. Siya natamaan duwang beses duman sa nasudong pag'atake asin nagadan sa lantad nin labanan sa edad na beynte otso. An ama niya nagbyahe sa lugar na saiyang nagadanan saka binawe an saiyang bangkay ta ilinubong sa Montpellier.[5][6]

Mayor na mga obra[baguhon | baguhon an source]

Galeriya[baguhon | baguhon an source]

Hilnga man[baguhon | baguhon an source]

Mga panandaan[baguhon | baguhon an source]

  1. 1.0 1.1 1.2 "Frédéric Bazille: A Tragic Story". WetCanvas. Archived from the original on July 26, 2010. Retrieved June 20, 2011.  Unknown parameter |url-status= ignored (help)
  2. The Art Book. Phaidon Press. 1994. p. 33. ISBN 91-0-056859-7. 
  3. "Domaine de Méric - Ville de Montpellier". January 8, 2015. https://www.montpellier.fr/440-domaine-de-meric.htm. Retrieved on 2022-07-11. 
  4. Rosenblum, 1989, p. 225
  5. Gotlieb, Marc (2016). The Deaths of Henri Regnault (in English). University of Chicago Press. p. 185. ISBN 978-0-226-27604-5. 
  6. "Frédéric Bazille and the Birth of Impressionism". www.nga.gov. Retrieved 2018-10-19. 

Toltolan[baguhon | baguhon an source]

  • Pitman, Dianne W. (1998). Bazille: Purity, Pose and Painting in the 1860s. University Park: Penn State University Press. ISBN 978-0-271-01700-6.
  • Rosenblum, Robert (1989). Paintings in the Musée d'Orsay. New York: Stewart, Tabori & Chang. ISBN 1-55670-099-7

Mga panluwas na takod[baguhon | baguhon an source]