Franklin Peñalosa

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
Si Franklin Peñalosa sa The North Face 100 CamSur

Si Franklin "Aging" Peñalosa (namundag kan Mayo 7, 1977) sarong propesyonal na triatlela (paralangoy, paradalagan asin biseklista) kan Syudad nin Naga.[nangangaipo nin toltolan] Dating para-bisekleta kan probinsyang Camarines Sur, nagpoon siyang magbali sa daralaganan kan taon 2005 sa 29th Milo Marathon Elimination dangan nagin triatleta bàgo matapos an dekada. Kabali siya sa TMM Timex Team, sarong grupo nin mga triatleta sa Filipinas siring man kan Tri-Team 300 na nakabase sa rehiyon Bikol.[1]

Nakamtan niya an inot na kampeonato sa daralaganan sa Milo Marathon sa giníbong elimination sa Syudad nin Naga kan 2007.[2] Alagad inot siyang nagbali digdi kan 2005 sa kategoryang 5K kun sain nagunò niya an Ikatulong Premyo.[3] Komo sarong triatleta, nag-ikaduwa siya sa kategoryang Male 30 to 39 sa pinakainot na Camarines Sur Triathlon kan 2009.[4]

Karera[liwaton | liwaton an gikanan]

Nakamtan man ni Peñalosa an Ikatulong Premyo sa nakaaging The North Face 100 CamSur kan Abril 30-Mayo 1, 2011. Bàgo kaini, siya nag-ikaduwa sa 1st Iloilo Dinagyang International 30K Duathlon kan Enero 16, 2011 asín nag-ikatulo sa lokal na daralaganán na Jingle Bell Run: Save Our Wetlands sa kategoriyang 13K kan Desyembre 19, 2010.[5][6]

Petsa Pwesto Karawat Oras Lugar
2011-5-1 Ika-3 The North Face 100 CamSur (100K) 12:37:12[7] Pili, Camarines Sur
2011-4-2 Ika-4 1st Mt Mayon 360° Ultra Marathon Race (50M) 07:29:04[8] Albay
2011-1-15 Ika-7 Baguio 21K Feel the Hill (21K) 1:25:34[9] Syudad nin Baguio
2011-1-16 Ika-2 1st Iloilo Dinagyang International 30K Duathlon (roadbike) 1:25:34[10] Syudad nin Iloilo
2010-12-19 Ika-3 Jingle Bell Run: Save Our Wetlands (13K) daí nin info Syudad nin Naga
2010-10-19 Ika-6 34th Milo Marathon Elimination (21K) 1:22.54[11] Syudad nin Naga
2010-8-22 Ika-19 2010 Ironman 70.3 Philippines (Solo) 4:56:37[12] Pili, Camarines Sur
2009-4-5 Ika-7 1st Camarines Sur Triathlon (1.5km-40km-10km) 2:30:59.2[13] Pili, Camarines Sur
2008-2-7 Ika-7 DZMM Takbo Para sa Kalikasan (10km) 0:36:38[14] Manila
2007 Inot 31st Milo Marathon Elimination (21K) 1:15.44[15] Syudad nin Naga
2005 Ika-3 29th Milo Marathon Elimination (5K) 0:17:32[16] Syudad nin Naga

Mga toltolan[liwaton | liwaton an gikanan]

Mga panluwas na takod[liwaton | liwaton an gikanan]