Friedrich Lahrs
Si Johann Ludwig Friedrich Lahrs (11 Hulyo 1880 – 13 Marso 1964) sarong arkitektong Aleman asin propesor.[1]
Buhay[baguhon | baguhon an source]
Si Lahrs namundag sa Königsberg, East Prussia. Pakaatendir niya sa Löbenicht Realgymnasium, siya nag'adal sa Technical University ss Charlottenburg kan 1898. Nagtrabaho siya sa Berlin asin Charlottenburg sagkod 1908. Nakamit niya an premyong Schinkelpreis kan 1906 sa pag'onra ki Karl Friedrich Schinkel. Kan taon 1908 nagpoon siyang magtrabaho sa Kunstakademie sa sadiri niyang lugar na Königsberg. siya nagsirbe bila ng propesor sa arkitektura poon 1911 abot 1934. An mga desneyo niyang layaw iyo idtong Kunsthalle (natapos 1913) sa Tragheim asin an bagong Kunstakademie (natapos 1919). Kan 1920 si Lahrs asin si Stanislaus Cauer nagdesenyo nin memorial sa kamposanto nin Gemeindefriedhof harani sa Rothenstein asin Maraunenhof; an memorial pig'onra an 200 na mga trabahador na nagkagaradan sa sarong pagboag sa sarayan nin pulbura sa Rothenstein.[2]
Si Lahrs nagdesenyo man nin bagong mausuleo para ki Immanuel Kant harani sa Katedral nin Königsberg kan taon 1934. Parehong taon nagdesenyo siya nin memorial sa Brandenburg sa natad kan Königsberg Castle. Pakalihis duwang taon, siya nagdesenyo kan opisina nin probinsyang panpinansya, an Landesfinanzamt, sa luwas sana kan Neurossgarten. Si Lahrs iyo man an nagdesenyo kan tindahan nin libro, an Gräfe und Unzer.
Si Lahrs nag'estar sa Kunstakademie sagkod 1934 kun kasuarin siya nagretiro asin nagribay saiya si Kurt Frick sa akademya durante kan Gleichschaltung.
Toltolan[baguhon | baguhon an source]
- ↑ https://portal.dnb.de/opac.htm?method=simpleSearch&cqlMode=true&query=idn%3D106251023 Kinua 18-11-16
- ↑ https://viaf.org/viaf/17709209/ Kinua 18-11-16
Gunoan[baguhon | baguhon an source]
- Albinus, Robert (1985). Lexikon der Stadt Königsberg Pr. und Umgebung (in German). Leer: Verlag Gerhard Rautenberg. p. 371. ISBN 3-7921-0320-6.
- Gause, Fritz (1971). Die Geschichte der Stadt Königsberg. Band III: Vom Ersten Weltkrieg biz zum Untergang Königsbergs (in German). Köln: Böhlau Verlag. p. 327. ISBN 3-412-38871-8.