Gading

Gikan sa Bikol Sentral na Wikipedia, an talingkas na ensiklopedya
ika-11 siglong tingo nin elepante, Italya
Inukitan na gading sa Sa'dabad Palace, Iran
Si Inang Santa Maria kilik si Sto. Nino, inukit sa gading na tingo kan elepante

An gading[1] o marpil (Ingles: ivory; Espanyol: marfil) iyo an deskripsyon kan kalabaan kan ngipon asin mga tingo kan magkapirang mga hayop na arog kan elepante (gadya,[2], inapod kaidto), hippopotamus, walrus, narwhal asin mammoth, orog na kun ini ginagamit na materyal sa arte o paghaman nin mga maarteng bagay. Ngonyan dai nang gayo garamiton an gading, alagad kan antigong panahon ginigibo ini sa manlaenlaen na bagay siring kan pustiso, kayab, domino, tekla kan piyano, butones, bagpipe kan Scot, o bola sa bilyar asin iba pang mga bagay na ornamental. alagad, igwa nang mga kasalida igdi arog kan mga plastik na haros garo na mansana arog kan tunay na teklang gading sa piyano. An Ingles na termino kaini, ivory, hale mansana sa Antigong Ehipto (âb, âbu , "elepante") paagi sa Latin ebor- o, ebur [3]

Sa lawig nin panahon nagin kontrobersyal an pagnegosyo asin pagbariwas kan mga tingong gading huli ta napupuho an populasyon kan mga elepante. Mala ta kan 1975 an Asyanong elepante ibinugtak na sa Appendix One kan Convention on International Trade in Endangered Species (CITES), na ini nabawal nin pagbariwas sa mga myembrong nasyon kaini. Siring man, an Aprikanong elepante ikinaag man sa Appendix One kan taon 1990.[4][5][6][7][8]

Mga panluwas na takod[baguhon | baguhon an source]

Toltolan[baguhon | baguhon an source]