Gil Puyat

Gikan sa Bikol Sentral na Wikipedia, an talingkas na ensiklopedya
Si Senador Gil Puyat

Si Gil J. Puyat (Septyembre 1, 1907 – Marso 23, 1980) sarong Filipinong negosyante asin pulitiko. Siya nagsirbe bilang senador kan Filipinas poon 1951 asin bilang Presidente kan Senado poon 1967 sundo 1972 kun kasuarin sinara an Senado pagdeklara nin ley militar ni Presidente Ferdinand Marcos.

Pamilya[baguhon | baguhon an source]

Siya ikatolong aki kan si industrialistang Gonzalo Puyat asin Nicasia Juco. Amay pang gayo, an ama niyang si Gonzalo tinokdoan na siya sa mga sekreto sa negosyo, dangan pinakapot na siya na magmaneho sa negosyo kan pamilya, an Gonzalo Puyat & Sons, an kagsakop kan mga iba-ibang negosyo siring kan AMF-Puyat, Puyat Steel, asin Puyat Vinyl.

Si Puyat an napangagom iyo si Eugenia Guidote, sarong parakanta sa opera, asin sarong accountant asin naenot na kaapil sa Philippine Institute of Certified Public Accountants (PICPA. An saindang pagsasaro nagbunga nin pitong aki- Gil, Jr. (gadan na), Vicente (gadan na), Antonio, Victor, Jesusa, Alfonso asin Eugenia.

Edukasyon asin karera[baguhon | baguhon an source]

Siya nagtapos kan kursong Komersyo sa Unibersided kan Pilipinas dangan nagin siyang paratukdo sa kursong ekonomiks sa unibersidad na ini. Palibhasa may mahiwas na pagkaaram sa negosyo ta an saiyang mga magurang yaon sa negosyo mismo nin paggibo nin mga bilyaran asin sa paghaman nin mga bowling-an asin siya nakikiaram sa negosyong ini, siya kinua ni Presidente Manuel Quezon na magtukaw bilang Dekano kan College of Business Administration kan Unibersidad nin Pilipinas sa hubin pang marhay na edad 33.

Siya an kagmukna kan Manila Banking Corporation (ngonyan, Chinabank), Manila Bankers Life Insurance Corporation asin kan Loyola Group of Companies na sakop kaini an Loyola Plans Consolidated Inc., Group Developers Inc. asin an Loyola Memorial Chapels and Crematorium Inc. An Group Developers iyo an enot na nagmukna kan konsepto nin mga memorial park asin man an Loyola Memorial Chapels iyo an enot na nagdara kan modernong teknolohiya sa cremation igdi sa Filipinas.

Karera sa pulitika[baguhon | baguhon an source]

Lampas duwang dekada an pagtukaw niya bilang senador sa Senado asin komo siring, saro siya sa pinakahalawig nagkapot kan katongdan na ini. Saro sa eminenteng lehislasyon niya iyo an pagbaranga asin pagtataltag kan pondo publiko para sa mga proyekto sa irarom kan ley na inapod Budget Act. [1]

Mga gawad[baguhon | baguhon an source]

  • Business Leader of the Year 1948, kan Business Writers of the Philippines
  • Civic Leader of the Year 1949, kan Association of Red Feather Agencies
  • Outstanding Services Award, bilang enot na kagmukna, enot na presidente asin parakampanya kan Community Chest of Greater Manila
  • Certificate of Honor, ginawad saiya kan Philippine Institute of Public Opinion sa saiyang pinahiling na liderato sa lantad nin negosyo, sibiko asin pulitika asin serbisyo sa mga bagong-tawo.

Kagadanan[baguhon | baguhon an source]

Nagadan si Gil Puyat huli sa helang na hapo.

Pagromdom[baguhon | baguhon an source]

An Buendia Avenue, na ipigpangaran ki Nicolas Buendia, sarong Aglipayano asin senador kan panahon nin Kumonwelt, bina'go an pangaran asin nginaranan Gil Puyat Avenue kan Marso 1980 [2] alagad dakul pa man giraray mag'apod kan tinampo sa dating pangaran na Buendia.

Toltolan[baguhon | baguhon an source]

Ginunoan[baguhon | baguhon an source]

  • [1] Websayt kan Senado kan Filipinas
  • [2] Inquirer