Gina Lopez

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
Gina Lopez
Gina Lopez - 2017 (cropped).jpg
Lopez in 2017
Sekretarya kan Environment and Natural Resources
Ad interim
Termino
Hunyo 30, 2016 – Mayo 3, 2017
President Rodrigo Duterte
Suminunod ki Ramon Paje
Sinundan ni Roy Cimatu
Chairperson kan Pasig River Rehabilitation Commission
Termino
Agosto 23, 2010 – Agosto 19, 2019
President Benigno S. Aquino III
Rodrigo Duterte
Suminunod ki Horacio C. Ramos
Sinundan ni Jose Antonio E. Goitia
Personal na mga detalye
Kamundagan Regina Paz La'O Lopez
(1953-12-27)Desyembre 27, 1953
Kagadanan Agosto 19, 2019(2019-08-19) (edad 65)
Makati, Metro Manila, Pilipinas
Agom Sona Roy (separated)
Mga aki Roberto "Bobby" Roy
Benjamin "Ben" Roy
Mga magurang Eugenio Lopez Jr.
Conchita La'O
Alma mater Assumption College
Boston College
Asian Institute of Management
Kasibotan
  • Cabinet secretary
  • executive
  • environmentalista
  • pilantropo


Si Regina Paz "Gina" La'O López (Disyembre 27, 1953-Agosto 19, 2019) sarong Filipinong enviromentalista asin pilantropo, siya namayo sa Pasig Rehabilitation Commission. Nagserbe siya bilang sekretarya kan Department of Environmental and Natural Resources (DENR) kan Pilipinas sa ad interim na estado sa irarom kan gobyerno ni Presidente Rodrigo Duterte. Siya saro man na misyonaryo kan yoga asin kagmukna kan corporate social responsibility.

Kan Mayo 3, 2017, an Commission on Appointments pormal na hinali an saiyang pagigin environment secretary. Siya an panduwang miyembro kan gabinete ni Presidente Rodrigo Duterte na hinali kan Commission on Appointments, sunod ki dating Sekretarya kan Department of Foreign Affairs na si Perfecto Yasay.

Kaamayi kan buhay[liwaton | liwaton an gikanan]

Si Lopez aki kan dating ABS-CBN Chairman Eugenio Lopez, Jr. kan Iloilo asin Conchita La'O kan Manila. Igwa siyang anom (6) na tugang, tugang niya man ang ABS-CBN Chairman na si Eugenio Lopez III. Si Lopez nagtapos sa Assumption College asin Newton College of the Sacred Heart sa Boston (na ngunyan inaapod nang Boston College). Igwa siya nin pangmasteral na degree sa Development Management sa Asian Institute of Management. Igwa siya nin duwang (2) aki.

Imbweltong pangsibiko[liwaton | liwaton an gikanan]

Pagkatapos kan saiyang pagklase sa Estados Unidos, si Lopez binayaan an saiyang marangyang buhay sa Manila para magin sarong misyonaryo kan yoga, kun saen itinao niya an saiynag bienteng (20) taon na pagbuhay asin nagistar sa Portugal, India asin Africa. Nabisto niya sa Africa an saiyang dating agom, ama kan saiyang duwang aki. Siya nagin sarong Ananda Marga yoga missionary na nagtutukdo nin yoga, asin nagpapadalagan man nin sarong eskwelahan pangaki asin nagtataong harong sa mga pobreng kaakian. Nag-istar siya kaiba an mga tao sa mga pobreng lugar sa Africa, siya man giniyahan kan saiyang pagtubod na,"An pagserbe sa sangkatauhan, pagseserbe man sa Diyos."

Sa saiyang pagbabalik sa Pilipinas, pinunan niya na an mga programang environmental asin pagbuo kan mga Pilipinong komunidad. Siya nagin Managing Direktor kan ABS-CBN Foundation.

Siya an nagibo kan Bantay Bata 163, an inot na media-based hotline sa bansa. Kan 1997, an Bantay Bata resipiyente kan United Nations Grand Awardee para sa ekslehensya na ikilamang kani sa ibang 187 na mga bansa sa mundo.

Itinindog niya man an Bantay Kalikasan, kun saen siya ginawadan nin 1997 International Public Relations Award of Excellence for the Environment asin an Outstanding Manilans Award for the Environment kan 2009.

Naggibo man siya nin mga edukasyonal na pasali sa telebisyon sa mga asignaturang Science, Math, Values, History asin English para sa elementary asin Philippine Literature para sa hasykul. Sa pasaling Sineskwela, si Lopez tinawan onra na UNESCO Kalinga Award, an inot na Southeast Asian na makakua kani.

Siya man an Vice-Chairperson kan ABS-CBN Bayan Foundation, na nagtatao nin tabang pinansyal sa mga saradit na negosyante. Dati man siyang tagapamayo kan Southeast Asian Children's Television.

Pinanginotan man ni Lopez an pagsalbar kan Pasig River asin kan mga hararaning sulog sa paagi kan Kapit Bisig para sa Ilog Pasig Project. An dating binibistong sentro kan pagbuhay kan nasyon, an Pasig River ngunyan iyo an pinakamabasura asin nakakalason na sisteme kan tubig igdi sa Pilipinas. Sa saiyang mga gibo sa pagsalbar kan salog, siya itinalaga ni dating Presidente Benigno S. Aquino bilang tagapamayo kan Pasig River Rehabilitation Commission.

Kahelangan dangan Kagadanan[liwaton | liwaton an gikanan]

Amay na nadiagnose si Lopez nin kanser sa hutok. Nagadan siya nin huli ta sa mga dorobleng pagkapalya kan organ na relatibo sa helang sa Sentrong Medikal kan Makati kan Agosto 19, 2019 sa edad na 65.[1][2][3]

Sa popular na kultura[liwaton | liwaton an gikanan]

Ginampanan ni Paula Peralejo si Lopez sa pelikulang Eskapo kan 1995.

Mga Gawad[liwaton | liwaton an gikanan]

  • United Nations Grand Awardee for Excellence (1997) for the Bantay Bata 163 which she initiated and advocated
  • International Public Relations Award of Excellence for the Environment (1997)
  • Outstanding Manilans Award for the Environment (2009)
  • UNESCO Kalinga Award, where she was the first Southeast Asian to receive the prestigious award
  • Doctorate Degree in Humanities, Honoris Causa from the Ateneo de Naga University
  • 2017 Seacology Prize [4]

Toltolan[liwaton | liwaton an gikanan]

Opisinang Politikal

Suminunod ki
Ramon Paje
Secretary of Environment and Natural Resources

Ad interim


2016–2017
Sinundan ni

Roy Cimatu
Pinanginotan ni

Horacio C. Ramos
Chairperson of the Pasig River Rehabilitation Commission

2010–
Nakatukaw sa ngunyan