Jump to content

Goyescas

Gikan sa Bikol Sentral na Wikipedia, an talingkas na ensiklopedya
Pintura ni Goya kan "El Pelele" An palatakot.


An Goyescas, Op. 11, subtitled Los majos enamorados (The Gallants in Love), sarong piano suite sinurat kan 1911 kan kompositor na Espanyol na si Enrique Granados. Ini inspirado daa kan obra ni Francisco Goya, sarong artistang Espanyol. An mga piyesa sa piyano dai man na gayo natakod sa anoman na partikular na pintura maliban kan duwa:

  • El amor y la muerte (Pagkamoot asin kagadanan) nag'ayog sa titulo kan sarong guhit ni Goya sa seryeng inapod Los caprichos
  • El pelele (An palatakot) saro sa pintura ni Goya.
Pintura ni Goya kan 1777 namidbid bilang El Paseo de Andalucía o La Maja y los embozados.[1]

An piano suite konsideradong iyo na pinakamahusay na obra ni Granado. Ini parte kan nagsusunod sa Romantikong piano repertoire asin minsan ini-rekord kan mga piyanistang dai man partikular nakakabit sa musika Espanyol asin man duman sa nagtoon nin partikular na atensyon sa repertoire Espanyol. Ini minimidbid na saro sa tampok na alahas nin repertoire Espanyol kan Iberia Suite ni Isaac Albeniz.

Pagmukna kan Goyescas

[baguhon | baguhon an source]
Kinurit para sa patos kan librito, kurit ni Goyescas (1954).

An pagmukna kan piyesa sa pyano na Goyescas kanigoan na gayong masamno asin sobra kadipisil daa na manu'dan ikawat, nangangaipo nin alistong hiro' asin todong pwersang. An iba ngani may makusog na pagmateng pagtsatsamba, an malinaw na ehemplo kaini iyo an ika-5ng piyesa, inapod na El amor y la muerte (Pagkamoot asin kagadanan). An ika-4 na piyesa sa serye (Quejas, ó la maja y el ruiseñor—An Daraga asin an Nightingale) iyo an pinakabantog na piyesa sa suite. Nakakaagid ini sa nocturne, alagad pano sa kumplikadong pagpipigura, mga tagong tingog, asin sa paghinapos, nagsisilyab na mga siyap nin gamgam asin mala-asuging mga arpeggio. An Mehikanong parasurat-kanta na si Consuelo Velázquez igdi niya ibinase an saiyang 1940 na awit na Bésame Mucho sa siring na melodiya.

An piano suite na ini sinurat sa duwang libro. An trabaho sa Goyescas nagpoon kan 1909, asin kan 31 Agosto 1910, an kagtokda' nakapagsabi na siya nakamukna nin "kanigoan na paglupad sa imahinasyon asin kapawotan sa isip." Mismong si Granados tinao niya an première kan Book I sa Palau de la Música Catalana sa Barcelona kan 11 Marso 1911. Saiyang nahaman an Book II kan Desyembre 1911 asin nagtao nin enot na pasali kaini sa Salle Pleyel sa Paris kan 2 Abril 1914.

An El pelele (An Palatakot), subtituladong Escena goyesca, parati napoprogramang kabtang kan Goyescas suite; si Granados nagbungsod kaini enot sa Teatre Principal sa Terrassa, kan 29 Marso 1914.

An suite

[baguhon | baguhon an source]
"El amor y la muerte" sarong print ni Goya sa 1799

Book I:

  • Los requiebros (An mga Komplimento)
  • Coloquio en la reja (Urulay sa may Bintana)
  • El fandango de candil (Fandango sa tingraw nin Kandila)
  • Quejas, o La Maja y el ruiseñor (Reklamo, o an Daraga asin an Nightingale)


Book II

  • El Amor y la muerte (Balada) (Ballad nin Pagkamoot asin Kagadanan)
  • Epilogo: Serenata del espectro (Epilogue: Harana nin sarong Kalag)
  • El Pelele: Escena Goyesca (The Puppet/Straw Dummy: Goya Scene)

El Pelele bako man kabtang kan suite, alagad parati kinakawat kadungan kaini.

Publikasyon

[baguhon | baguhon an source]

Book One, binibikog nin apat na piyesa napublikar kan 1912 sa Barcelona. An Book Two, na linalaman kan duwang ultimong piyesa napublikar kan 1914.

Mga Rekording

[baguhon | baguhon an source]

Ika-20ng siglo

[baguhon | baguhon an source]
  • Granados: an kagtokdang pagkawat kan saiyang obra nadakop sa piano roll.

Goyescas, Part 1, Los Requiebros as recorded by Granados on piano roll, c. 1913, Paris

  • Alicia de Larrocha

Alicia de Larrocha nanotaran kan saiyang pagbida sa Goyescas na kun saen naggibo siyang magkapirang rekording; sarong bersyon sa RCA label ganador sa 34th Annual Grammy Awards (Best classical instrumental solo recording 1991).

Ika-21ng siglo

[baguhon | baguhon an source]

Opera

[baguhon | baguhon an source]

Kan 1915 si Granados nagsurat nin sarong-aktong opera, inapod man Goyescas, sa sarong libretto Espanyol ni Fernando Periquet y Zuaznaba, inusar an mga melodiya hale sa piano suite. Ini enot pinagbida kan 1916.

Sarong pelikula Goyescas pigbase igdi sa opera.

An Intermezzo haros hale sa Opera asin midbid na gayo sa bersyon na pang-orkestra, alagad igwa man kaini nin pigpasali sa piyano asin idtong trabaho ni piyanistang Amerikano si Neil Galanter narekord sa pinaluwas niyang Goyescas Suite. [5]

Toltolan

[baguhon | baguhon an source]
  1. ↑ "An avenue in Andalusia or the Maja and the cloaked men". Prado Museum. 
  2. ↑ "Granados: Goyescas" (PDF). Hyperion. 2012. Retrieved 2020-07-17. 
  3. ↑ Park, Ga-Young (21 September 2022). "Pianist Paik Kun-woo's search for musical freedom brings us 'Goyescas'". The Korea Herald. https://www.koreaherald.com/view.php?ud=20220921000527. 
  4. ↑ "Granados, Goyescas – Valses Poéticos". Mirare. Retrieved 2023-11-14. 
  5. ↑ Goyescas: Intermezzo (Arr. By Neil Galanter) (in English), retrieved 2024-01-11 

Mga panluwas na takod

[baguhon | baguhon an source]

Plantilya:Enrique Granados

[KCategorya:Francisco Goya]]

Kinua sa "https://bcl.wikipedia.org/w/index.php?title=Goyescas&oldid=270943"